Ruspolitisk handlingsplan for perioden 2024-2028

1. Fitjar kommunestyre vedtek "Ruspolitisk handlingsplan 2024-2028" slik den ligg føre.

2. Fitjar kommunestyre ber om at administrasjonen søker prosjektmidlar for å kunne vidareføre tiltak som treng økonomiske midlar i perioden. Kommunestyret ynskjer også at miljørettleiar skule/nav, ungdomskoordinator og rusførebyggjande program i skulen (pkt. 13.2, 13.3 og 13.4) vert evaluert og at rapporten vert lagt fram for utvalget.

Saksprotokoll i Kommunestyret - 20.06.2024

Representanten Karen Marie Sætre (KRF) ba kommunestyret vurdera om ho er ugild i saka, då ho er tilsett i stillinga som miljøarbeidar som er omtala i saka. Ho vart samrøystes erklært ugild, Eline Fitjar Hjelle (KRF) møtte som vara.

Representanten Angunn Bårdsen (AP) la føre følgjande framlegg til vedtak:

1. Fitjar kommunestyre vedtek Ruspolitisk handlingsplan 2024-2028 slik den ligg føre.

2. Fitjar kommunestyre ber administrasjonen om å innarbeida dei økonomiske tiltaka i handlingsplanen inn i budsjett 2025 og økonomiplan for 2025 til 2028.

3. Fitjar kommunestyre ber om at administrasjonen søkjer prosjektmidlar til tiltak som treng økonomiske midlar i perioden.

4. Kommunestyret ynskjer at miljørettleiar skule/nav, ungdomskoordinator og rusførebyggjande program i skulen (pkt. 13.2, 13,3 og 13.4) vert evaluert og at rapporten vert lagt fram for Utval for oppvekst og omsorg.

Ved røysting vart framlegget frå representanten Bårdsen (AP) sett opp mot framlegget frå utval for oppvekst og omsorg. Framlegget frå Bårdsen (AP) fekk 8 røyster (KRF, AP og SP) mot 9 røyster (H, FRP og INP), og fall.

Det ligg etter dette føre slikt vedtak: