Ny organisering av fastlegeordninga i Fitjar kommune

1. Fastlegeordninga vert styrka med to 100 % fastlegeheimlar og ei 30 % stilling til laboratorie-og helsepersonell. Kostnaden på kr 300 000,-,vert finansiert frå disposisjonsfondet for 2024.

2. Kommunedirektøren må innarbeida den årlege kostnaden for fastlegeheimlane i budsjett 2025 vert på 460 000,- og forventa kostnadar frå 2026 er på kr 410 000,-.

3. Kommunedirektøren går i gong med rekrutteringsarbeidet, og kjem attende med ei orienteringssak i juni om kor langt ein er i prosessen.

Saksprotokoll i Kommunestyret - 14.03.2024

Etatssjef helse og omsorg Anne Økland, og kommuneoverlege Anne Lise Haukås orienterte om saka, og svara på spørsmål frå kommunestyret.

Ved røysting vart framlegg til vedtak samrøystes vedteke.