Rekruttering av ny kommunedirektør

Kommunestyret vedtek at arbeidet med å rekruttera ny kommunedirektør skal starta opp og oppnemner eit tilsetjingsutval til å gjennomføra rekrutteringsarbeidet og fremja sak med tilråding til kommunestyret. Saka skal før dette også vera handsama i administrasjonsutvalet.

Tilsetjingsutvalet skal ha følgjande mandat:

Tilsetjingsutvalet får fullmakt til å gjennomføra rekrutteringsprosessen fram til og med tilråding av kandidat. Dette vil seia å lysa ut stillinga og vurdera kandidatar. Nemnda vert gjeve fullmakt til å nytta ekstern bistand i arbeidet.

Tilsetjingsutvalet skal bestå av tre medlemmar oppnemnd av kommunestyret og eit medlem oppnemnd av arbeidstakarorganisasjonane.

Kommunestyret vel følgande representantar til å sitje i tilsetjingsutvalet:

1. Wenche Tislevoll

2. Sigurd Andrè Maraas

3. Rune Helland

Saksprotokoll i Kommunestyret - 25.01.2024

Framlegg til vedtak vart samrøystes vedteke.