Vedtak av reguleringsplan for steinbrot i Levåg, gbnr 79/1, 79/18, 80/1 - planid. 4615-202101

Fitjar kommune vedtek reguleringsplanen Detaljregulering for steinbrot Levåg, gbnr. 79/1, 79/18 og 80/1, planid. 4615-202101 jf. pbl § 12-12. Planen vert vedteken med atterhald om at Statsforvaltaren i Vestland og Statens vegvesen trekkjer sine motsegner.

§ 2.3.2 Driftstid skal lyde slik:

a) Verksemda si aktivitet skal skje innanføre tidsrommet kl. 07-22 måndag til fredag.

b) Det skal ikkje føregå støyande aktivitetar kvardagar i tidsrommet kl.19-07, laurdag eller sundagar og heilagdagar.

Saksprotokoll i Kommunestyret - 25.01.2024

Representanten Erlend Dalen (H) ba kommunestyret vurdera om han er ugild i saka. Han er i slekt, og god ven, med medeigar i K. Volden AS. Konstituert kommunedirektør John Karsten Raunholm orienterte om habilitetsreglane. Ved røysting vart representanten samrøystes erklært ugild, og gjekk frå møtet. Det var ikkje kalla inn vara.

Etatssjef Samfunnsutvikling og drift Louise Pettersen orienterte om saka.

Framlegg til vedtak vart samrøystes vedteke (16 røyster).