Omorganisering av Sunnhordlandsrådet IPR og Region Sunnhordland IKS

1. Kommunestyret vedtek at det blir oppretta to rettssubjekt:

a)Region Sunnhordland IKS (tidlegare Samarbeidsrådet for Sunnhordland IKS / Sunnhordlandsrådet IKS). IKS står for Interkommunalt selskap. b)Sunnhordlandsrådet IPR. IPR står for Interkommunalt politisk råd.

2. Kommunestyret vedtek «Selskapsavtale for Region Sunnhordland IKS» og «Samarbeidsavtale for Sunnhordlandsrådet IPR» slik dei ligg i saksframlegget.

3. Kommunestyret vedtek den økonomiske fordelinga mellom Region Sunnhordland IKS og Sunnhordlandsrådet IPR, slik det ligg i saksframlegget. Det vil sei at 25% av totalsummen som kommunane betalar inn årleg til Region Sunnhordland IKS og Sunnhordlandsrådet IPR, er øyremerka Sunnhordlandsrådet IPR.

Saksprotokoll i Kommunestyret - 21.11.2023

Ordførar Wenche Tislevoll (H) la føre framlegg om endre tekst i tilrådinga:

'Kommunestyra i Sunnhordland' til 'Kommunestyret'.

Ved røysting vart tilrådinga frå formannskapet, med endring, samrøystes vedteke.