Budsjettrevisjon 3. termin Stord Hamn

Kommunestyret gjer slikt vedtak:

1.For prosjekt 4143 Utviding ISPS terminal Eldøyane løyver kommunestyret kr 500 000 i 2025 som blir finansiert med lån. Låneopptak i 2026 blir redusert tilsvarande med kr 500 000. 2.For prosjekt 4160 Verdifastsetting eigedommar løyver kommunestyret kr 800 000 som blir finansiert med lån. 3.For prosjekt 4170 Sal tomt REN AS Eldøyane løyver kommunestyret kr 800 795 som blir finansiert med lån. 4.For prosjekt 4174 Hotell på Nattrutekaien løyver kommunestyret kr 437 648 som blir finansiert med overføring frå drift. 5.Kommunestyret vedtek å overføre kr 437 648 til investering som blir finansiert av disposisjonsfondet.

6. Utval for Byutvikling ber om at det vert sett opp politisk sak i møtet 29.01.26, angåande drift av småbåthamn under Stord Hamn. Følgande skal vurderast:

A) Med bakgrunn i at det er eit større antal ledige plassar i båthamna, ber utvalet kommunedirektøren vurdere om det er hensiktsmessig å opne for utleige av plassar utan innskot. Månadsleiga må då justerast slik at ein kompenserer for bortfall av innskot.

B) Det har kome nokre tilbakemeldingar om at kostnaden for elektrisk straum er høgare enn i samanliknbare båthamner. Ein ber kommunedirektøren vurdere effekten av å harmonisere strømprisen med andre, til dømes til Nordpool (spot) + 50 øre/kWt i påslag.

Røysting:

Innstillinga frå utval for byutvikling vart samrøystes vedteke.