2. gongs handsaming - Detaljregulering for Tømmervik næringsområde, gnr/bnr 48/20 mfl. PlanId 202106

I medhald av § 12-12 i plan og bygningslova vedtek kommunestyret detaljregulering for Tømmervik næringsområde, 48/20 mfl., planID 202106 slik det er vist på plankart, datert 24.09.2025 med tilhøyrande føresegner, datert 24.09.2025. I medhald av § 12-14 i plan og bygningslova blir reguleringsplan R117000 for terminalområde Tømmervik og deler av reguleringsplan R202000 Horneland/Hornelandsvågen oppheva. Reguleringsføresegn 3.1.1. vert endra slik:

3.1.1 Næringsbygg Innanfor føremålet kan det verte ført opp bygg og anlegg som skal nyttast til føremåla næring og industri. Det er lov å etablere lager-, kontor- og administrasjonsbygg i samband med verksemdene i føremålet, samt interne køyrevegar, parkering, kai, nettstasjon/trafo, bygg/anlegg for VA, solcelleanlegg, lysmaster, skilt, gjerde, murar, trappar og anna teknisk utstyr mv. Det er ikkje opna for andre lagerbygg, forretning, tenesteyting, hotell/bevertning, utanom bustadrigg/overnatting og leverandørtenester direkte knytt til verksemdene elles på området. Område som ikkje vert utbygd kan nyttast til areal for lagring/samling av utstyr, komponentar, delar o.l., samt for montering. Innanfor føremålet er det òg lov å etablera nye pullertar, landfeste, løfteanordningar, signalordningar og liknande i samband med fortøying og operasjonar knytt til fartøy og flytande konstruksjonar/objekt i VAA.

Nils Magne Blålid Framlegg:

Kommunestyret vedtek at det skal byggjast fortau/sykkelsti heilt fram til Tømmervik Næringsområde.

Røysting:

Tilleggsframlegget frå Blålid (SV) fall med 5 (SV, Abdallah UA, R) mot 30 røyster. Innstillinga frå utval for byutvikling vart samrøystes vedteke.