Forvaltningsrevisjon av psykisk helse- og rustenester - rapport

På bakgrunn av forvaltningsrevisjon av psykisk helse- og rustenester, ber kommunestyret kommunedirektøren om å:

1.Sikra tydeleg oversikt over Eining for psykisk helse og rus sine mål, rollar og ansvar, og at det blir gjennomført jamleg evaluering av verksemda sine aktivitetar, mål og tiltak. 2.Tydeleggjera, både internt i kommunen og ut mot innbyggjarane, kven som har ansvaret for koordinering av dei ulike pasientforløpa i kommunen. 3.Sikra systematisk arbeid med kompetansebehov i psykisk helse- og rustenestene og at det blir gjennomført evaluering av kompetansetiltak. 4.Sørga for tilstrekkeleg formalisering av samarbeid mellom kommunale aktørar, til dømes gjennom å etablere samarbeidsavtalar, og sikra at alle samarbeidsavtalar (også mellom kommunale og eksterne aktørar) blir følgt opp i samsvar med krav i avtalen. 5.Sikra nødvendig og tidsriktig overføring av informasjon mellom kommunen og spesialisthelsetenestene ved inn- og utskriving av pasientar, samt at det blir meldt avvik ved manglar i samhandlinga. 6.Sørga for at det i kartlegging av nye brukarar

a. føreligg tilstrekkelege opplysningar til at søknadar om psykisk helse- og rustenester kan vurderast og avgjerast på ein fagleg forsvarleg måte.

b. b) blir sikra og dokumentert samtykke frå søkar dersom kommunen i samband med kartlegginga må innhente opplysningar om vedkomande frå andre tenester i kommunen eller i spesialisthelsetenesta. 7.Sikra at saker blir behandla utan ugrunna opphald, at tenester blir iverksett innan forsvarleg tid og at kommunen snarast mogleg sender eit førebels svar dersom sakshandsamingstida vil vare meir enn ein månad. 8.Etablera system og rutinar som sikrar

a. at brukarar med behov for langvarige og koordinerte tenester får informasjon om rett til individuell plan (IP).

b. b) samhandling og koordinering i tenester til brukarar som ikkje ønsker IP. 9.Etablera system og rutinar som sikrar at brukarar får individuelt tilpassa tenester når det blir fatta vedtak på psykisk helse- og rustenester. Under dette

a. Sikre at det går fram av vedtak kva teneste(r) som er tildelt, i kva omfang, samt kor lang tid vedtaket er gjeldande. 10.Sikra tilstrekkeleg brukar- og pårørandemedverknad gjennom å

a. etablere prosedyrar eller liknande som tydeleggjer korleis kommunen skal involvera brukarar og eventuelt deira pårørande ved tildeling og/eller endring av tenestetilbodet.

b. etablere system og rutinar som sikrar at kommunen 1) jamleg hentar inn erfaringar og innspel til forbetring av psykisk helse- og rustenestene frå brukarar og pårørande 2) bruker innspel og erfaringar frå brukarar og pårørande i verksemda sitt kontinuerlege forbetringsarbeid. 11.Laga ein prioritert handlingsplan til kontrollutvalet innan 11.11.24 som viser kva tiltak som skal setjast i verk for å følgje opp tilrådingane i rapporten, når tiltaka skal setjast i verk og kven som skal ha ansvaret for iverksettinga

Røysting:

Innstillinga frå kontrollutvalet vart samrøystes vedteke.