Kommuneplanen sin arealdel 2025-2035 - 1. gongs offentleg ettersyn

Kommunestyret vedtek å senda kommuneplanen sin arealdel ut på høyring og 1. gongs offentleg ettersyn, jf Plan- og bygningslova § 11-14. Kommunestyret ber administrasjonen vektleggje følgjande når ein leggjer fram nytt forslag etter høyringane:

1. Det skal leggjast til rette for sjønære næring, bustad- og hytteområde på Huglo.

2. Det skal leggjast til rette for nye og utviding av eksisterande område for sjøtilknytt næring/industri

3. Det skal i allereie utbygd strandsone vurderast å leggja til rette for attraktive sjønære bustader der ein samstundes tek i vare allmenta sin tilgang til sjøen.

4. Det skal leggjast til rette for fleire områder med LNF spredd/ boligformål. Kommunestyret har eit ynskje om å leggje til rette for at fleire av innspela kan innfris og at ein skal leggje til rette for boligar også utanfor senteromland.

5. Kommunestyret ynskjer fleire områder til havbruksnæringa.

6. Kommunestyret ynskjer fråsegner som leggjer til rette for at naust kan innehalde våtrom på 4 m2, lov å isolere naustet, samt sløyebenk og vask.

7. Kommunestyret ber om at ein utarbeidar ein KU for alternativ til industriområdet Heiane Sør (NÆ7, NÆ29) der ein ser på lokalisering av industriområdet austover som i mindre grad er i konflikt med naturverdiar.

8. Kommunestyret ynskjer å avsetje område til uavklart framtidig offentleg føremål i sentrumsnært område, idrettsanlegg, symjehall eller liknande.

9. Fylgjande kommunedelplanar vert føreslått oppheva i samsvar med plan- og bygningslova §12-14 og opphevinga av planane vert lagt ut til høyring og offentleg ettersyn parallelt med kommuneplanen sin arealdel:

Kommuneplan for Stord kommune 2010-2021 (vedteken 15.12.2011) Rv544 Ferjesambandet Stord – Kvinnherad. Lokalisering av ferjeleiet på Stord. (vedteken 18.06.2009) Klima og energiplan (vedteken 20.11.2008) Kommunedelplan for Huglo (vedteken 16.12.2010) Kommunedelplan for Leirvik (vedteken 06.12.2007)”

10. Avgrensa og redusera omsynssone friluft

Hilde Hildal Hauglid Framlegg:

Følgjande endringar til planutkastet for arealplanen. Nummer under punkt A viser til kor sakene er nemnt i planutkastet. A)

3) LNF spreidt Vatnavika vert LNF-område

5) Langeland ved Tveita Søre,vert oppretthold som LNF-område

7) Tveitahaugen vert opprettholdt som LNF-område

10) Hystadbakkane vert opprettholdt som LNF-område.

20) Område rund Dyviksåta vert opprettholdt som LNF-område

21) Området til akvakultur ved Grunnavågen vert teke ut av planen.

25) Heiane Sør vert opprettholdt som LNF-område

27) Areal knytt til molo og vidare utbygging ved Djupevikjo vert opprettholdt som LNF-område

33) Huglo: Området frå ferjeleiet ut til Flatesteinen vert lagt inn som område for turisme og fritidsbustadar. B) 1)Område merka bustad i Almåsskogen vert LNF-område. Dette ligg frå krysset til Sætravik, mot Leirvik, på nordsida av Sagvågsvegen.

2) Det vert opna for bygging av inntil 10 husvære på Almås, med eksisterande vegløysing.

Grunngjeving:

Bevare artsmangfald, stanse CO2-utslepp og det er allereie rikeleg tilgang på areal til bustadar. Dette ligg til grunn for at mange område får status som LNF-område. Huglo treng aktivitet i nærområdet. Almås (innmark) har område som høver til bustadar med nærliggande skule og barnehage. Føresegner:

1)Leirvik, Heiane og Sagvåg skal opnast for å bygge i høgda. Antal etasjer må vurderast vidare i sakshandsaminga. Til punkt 2B) Utbygging skal skje samla frå ferjeleiet (Huglavika) og utover mot Flatesteinen. Etablering av bygg skal skje med minimale terrenginngrep. (byggast på peler) Energi: Alternativ energi i form av varmepumper til luft, varmepumper til sjø, jordvarme/bergvarme, solceller (vegg/tak) skal nyttast. Ved etablering av nye bygg skal almenn tilgang til strandsona sikrast.

Generelt: Alle nye bustadar skal byggast med livløpsstandard ( soverom, kjøkken, bad/toalett, stove på inngangsplanet). Evt må plan vise at bustad lett kan endrast til livsløpsstandard. Alle nye bustadar skal vurderast i forhold til bruk av alternativ, fornybar energi som varmepumper, jordvarme, solceller (vegger og tak). Grunngjeving. Energi: Vi treng energi. Desse investeringane lønne seg på sikt. Vi har statelege støtteordningar for desse investeringane. Vi må arbeide for at overskot av energi på bustad kan selgast inn på eksisterande nett. Dette er også gode energiløysingar m.o.t beredskap. Livsløpsstandard og universell utfordring: Tiltaka er viktige for at innbyggarane kan bu i eigen heim også om helse og førlighet skulle bli svekka. Det vil også lette presset på sjukeheimsplassar og og gjere arbeidsforholda til heimesjukepleien betre.

Øyvind Kyvik Framlegg frå H, Frp, Krf og V:

Kommunestyret vedtek å senda kommuneplanen sin arealdel ut på høyring og 1. gongs offentleg ettersyn, jf Plan- og bygningslova § 11-14. Kommunestyret ber administrasjonen vektleggje følgjande når ein leggjer fram nytt forslag etter høyringane:

1. Det skal leggjast til rette for sjønære næring, bustad- og hytteområde på Huglo.

2. Det skal leggjast til rette for nye og utviding av eksisterande område for sjøtilknytt næring/industri

3. Det skal i allereie utbygd strandsone vurderast å leggja til rette for attraktive sjønære bustader der ein samstundes tek i vare allmenta sin tilgang til sjøen.

4. Det skal leggjast til rette for fleire områder med LNF spredd/ boligformål. Kommunestyret har eit ynskje om å leggje til rette for at fleire av innspela kan innfris og at ein skal leggje til rette for boligar også utanfor senteromland.

5. Kommunestyret ynskjer fleire områder til havbruksnæringa.

6. Kommunestyret ynskjer fråsegner som leggjer til rette for at naust kan innehalde våtrom på 4 m2, lov å isolere naustet, samt sløyebenk og vask.

7. Kommunestyret ber om at ein utarbeidar ein KU for alternativ til industriområdet Heiane Sør (NÆ7, NÆ29) der ein ser på lokalisering av industriområdet austover som i mindre grad er i konflikt med naturverdiar.

8. Kommunestyret ynskjer å avsetje område til uavklart framtidig offentleg føremål i sentrumsnært område, idrettsanlegg, symjehall eller liknande.

9. Fylgjande kommunedelplanar vert føreslått oppheva i samsvar med plan- og bygningslova §12-14 og opphevinga av planane vert lagt ut til høyring og offentleg ettersyn parallelt med kommuneplanen sin arealdel:

Kommuneplan for Stord kommune 2010-2021 (vedteken 15.12.2011) Rv544 Ferjesambandet Stord – Kvinnherad. Lokalisering av ferjeleiet på Stord. (vedteken 18.06.2009) Klima og energiplan (vedteken 20.11.2008) Kommunedelplan for Huglo (vedteken 16.12.2010) Kommunedelplan for Leirvik (vedteken 06.12.2007)”

Jakob Bjelland Framlegg:

10. Avgrensa og redusera omsynssone friluft

Gildskap:

Tom Knudsen (H) har stilt spørsmål om eiga gildskap i saka. Han er leiar og eiar av BestPraksis AS, som er engasjert av Zephyros Ocean AS som er engasjert i satsing på havvind. Han tredde frå under handsaminga av spørsmålet, ingen vara. Fredrik Litleskare (H) har stilt spørsmål om eiga gildskap i saka i møtet. Han er gift med part i innsigelser. Han tredde frå under handsaminga av spørsmålet, ingen vara. Kommunestyret handsama spørsmålet og fatta følgjande vedtak:

Knudsen og Litleskare vart samrøystes kjent gild i saka, jf. Fvl § 6.

Røysting:

Endringsframlegget frå Hauglid (SV) fall med 6 (SV, R og 2 Ap) mot 29 røyster. Tilleggsframlegget frå Bjelland (Sp) vart samrøystes vedteke. Framlegget frå H, Frp, Krf og V punkt 1 vart vedteke med 30 mot 5 (SV, R og 1 Ap) røyster. Framlegget frå H, Frp, Krf og V punkt 2 vart vedteke med 32 mot 3 (SV) røyster. Framlegget frå H, Frp, Krf og V punkt 3 vart vedteke med 30 mot 5 (SV, R og Sp) røyster. Framlegget frå H, Frp, Krf og V punkt 4 vart vedteke med 21 mot 14 (Ap, R og SV) røyster Framlegget frå H, Frp, Krf og V punkt 5 vart vedteke med 22 mot 13 (8 Ap, SV, R og Sp) røyster. Framlegget frå H, Frp, Krf og V punkt 6 vart vedteke med 21 mot 14 (Ap, Sv og R) røyster. Framlegget frå H, Frp, Krf og V punkt 7 vart samrøystes vedteke. Framlegget frå H, Frp, Krf og V punkt 8 samrøystes vedteke Framlegget frå H, Frp, Krf og V punkt 9 vart samrøystes vedteke. Framlegget frå H, Frp, Krf og V med vedtekne punkt vart samrøystes vedteke.