Ny ishall

1.Kommunestyret vedtek å godkjenne bygging av ishall med tidlegare tildelt kommunalt investeringstilskot på 16,8 MNOK i tillegg til 300 000 som blir henta frå mindreforbruk på prosjekt 4659 Aktivitetspark Stord Kulturhus. Totalt kommunalt investeringstilskot er då 17,1 MNOK.

2. Tildeling for mellomfinansiering av tippemidlar og momskompensasjon blir gitt som avdragsfritt lån frå Fond for utlån til lag og organisasjonar på 4 MNOK og skal seinast betalast tilbake innan 2029. Beløpet skal utbetalast i 2025 og 2026.

3. Stord kommune skal fortsette å betale festeavgift for området arealet ishallen legg beslag på.

4. Kommunestyret ber om at kommunedirektøren utarbeider ein avtale med Vidrive AS der kommunen legg til rette for at Vidrive AS kan overta mest mogleg av infrastrukturen knytt til dagens anlegg. Forslag til avtale blir framlagt for kommunestyret i løpet av 1. halvår 2024.

Tore Roth Blokhus Framlegg:

Saka vert utsatt til ein juridisk bindande avtale er på plass.

Gildskap:

Roy Sverre Amundsen (Ap) stiller spørsmål ved eigen gildskap i saka i møtet. Han sitter i styret i Vidrive AS. Han tredde frå under handsaminga av spørsmålet ingen vara. Kommmunestyret handsama spørsmålet og fatta følgjande vedtak:

Amundsen vart samrøystes kjend ugild i saka, jf. Fvl § 6, 1. ledd e, nr. 2. Røysting:

Utsettingframlegg frå Blokhus (SV) fall med 5 (SV, 1 Ap og R), mot 29 røyster. Innstillinga frå formannskapet vart vedteke med 30 mot 4 (SV og R) røyster.