Etablering av Sunnhordland Hamn IKS

Stord kommunestyre vedtek ein intensjon om å etablere eit interkommunalt hamneselskap i lag med Kvinnherad kommune i samsvar med Kommunelova §17-2 og Lov om interkommunale selskap (IKS-lova) §1.

Selskapet skal ha namnet Sunnhordland hamn IKS

Stord kommunestyre vedtek å setja ned eit interimsstyre i lag med Kvinnherad kommune for å utarbeide naudsynte dokument før endeleg vedtak om oppretting av det interkommunale selskapet og delegering av mynde (jf. hamne- og farvasslova §4.)

Interimsstyret skal utarbeide forslag til

- Selskapsavtale

- Eigarstrategi

- Verdisetjing av den enkelte kommune si hamneverksemd og -anlegg som skal inngå i

hamneselskapet, og dermed definere den enkelte kommune sitt innskot i selskapet i

høve til eigarbrøk.

- Økonomisk analyse

Verdisetjinga skal ta omsyn til både hamneanlegg og organisasjon i begge kommunar. Det skal leggjast fram ein dokumentert balanse som tek omsyn til marknadsposisjon, inntekter (både faktisk og potensielt), eventuelle festekontraktar og hamnerettar, bygningar, areal, utstyr, fond m.v. Verdisetjinga skal liggje til grunn for definering av eigarbrøk mellom kommunane. Kommunane Stord og Kvinnherad avgjer eigarbrøk ved endeleg vedtak i saka, samt spørsmålet om det skal tilførast ytterlegare eigenkapital frå kommunane utover innskot som fylgje av oppnåing av aktuell eigarbrøk.

Selskapsavtalen skal oppfylle lovpålagte krav i høve IKS-lova. Den må definere føremål med selskapet og prinsipp for forretningsmessig drift av den kommersielle delen av hamneverksemda samt prinsipp for utøving av den samfunnsmessige rolla i dei deltakande kommunane.

Den økonomiske analysen bør vise utkast til eit driftsbudsjett, investeringsbehov, lånegjeld, prognose for inntekter og risiko for vanleg kommunal økonomiplanperiode samt eit utkast til økonomiplan for 10 år framover. Organisering og bemanning skal avklarast, samt forventningar til lokal tilstedeværelse. Hovudkontoret skal vere på Stord.

Eigarstrategien må definere

- Kva selskapet skal vera

- Kva samfunnsoppdraget er

- Forventningar til avkastning

- Investeringsstrategi

- Klima- og næringspolitisk rolle

All hamneverksemd i kommunane skal leggjast til selskapet. Det inneber at mynde etter hamne- og farvasslova også skal delegerast til selskapet.

Interimsstyret skal består av; tre representantar frå kommunestyret i Stord og tre representantar frå kommunestyret i Kvinnherad kommune, Kommunedirektøren i kvar av kommunane (eller den han utpeiker i sin stad), økonomisjefen i kvar av kommunane og ein representant med særleg kjennskap til hamneverksemd frå kvar av kommunane oppnemnd av kommunedirektørane.

Frå Stord kommunestyre deltek Sigbjørn Framnes (FrP), Inga Lothe (H) og Tore Hatlevik (AP) Personleg vara for desse er Anja M. Austlid (FrP), Øyvind Kyvik (H) og Edgard Damås.

Gaute Straume Utsettingsforslag frå Stord Ap:

Epland Kommunestyret vedtek å utsetja saka til etter teknisk og

finansiell analyse av Djupavikjo-prosjektet er handsama av fylkeskommunen og Stord og Kvinnherad kommunar. Kommunestyret bed om at det vert gjort ei konsekvensutgreiing av ei storstilt satsing på cruiseturisme på Stord og at denne vert lagt fram i samband med at saka kjem opp igjen. Kommunestyret legg til grunn at konsekvensvurderinga vurderer realistisk både vekst- og inntektspotensial og kva gevinstar og ulemper ei stor auke i cruiseanløp vil føra med seg for lokalsamfunnet.

Øyvind Kyvik Forslag:

Tore Hatlevik (AP) med vara Edgard Damås.

Røysting:

Utsettingsforslag frå Stord Ap, fall med 19 røyster mot 12 røyster (AP, R, SV og SP)

Innstillinga frå Utval for byutvikling, med forslag frå Kyvik, vart vedteke med 18 røyster mot 15 røyster ( AP, R, SV, SP og 1.UA).