Deloitte AS - Eigarskapskontroll av Stord kommunale uviklingsselskap AS

1.Kommunestyret tek rapport etter gjennomført eigarskapskontroll av Stord kommunale utviklingsselskap AS (SKU AS) til etterretning.

2.Kommunestyret ber kommunedirektør gjennomføre følgjande tiltak:

Basert på funn og vurderingar tilrår Deloitte at Stord kommune som eigar set i verk følgjande tiltak:

1.Oppdatere vedtektene til SKU AS, mellom anna slik at føremålet gir ei korrekt skildring av forholdet mellom mor- og dotterselskap, og at generalforsamlinga i morselskapet vert halden før generalforsamlingane i dotterselskapa. 2.Evaluere og forbetre eigarstrategien til SKU AS, og inkludere eventuelle krav, forventningar eller føringar overfor SKE AS i eigarstrategien til morselskapet. 3.Sikre at deltaking i generalforsamling i selskapa skjer i tråd med vedtektene (eventuelt med justerte vedtekter). 4.Sikre at administrasjonen har tilstrekkeleg kapasitet til å støtte eigarskapsforvaltninga i tråd med dei behova kommunen har. 5.Utarbeide rutinar for gjennomføring av uformelle eigarmøte, under dette krav til dokumentasjon av møta. 6.Sørge for at valkomiteen etterspør og nyttar styreevalueringar i arbeidet med å setje saman og føreslå styremedlemmer. Basert på funn og vurderingar tilrår Deloitte at Stord kommunale utviklingsselskap AS set i verk følgjande tiltak:

7.Sikre etterleving av vedtektene til SKU AS ved gjennomføringa av styreval. 8.Vurdere tiltak for å redusere risikoen for habilitetskonfliktar og rolleblanding når generalforsamling og styre i SKE AS er sett saman av dei same personane. 9.Vurdere oppdatering av vedtektene til SKE AS, mellom anna for å formalisere ordninga med felles styre. 10.Etablere rutinar for opplæring av styremedlemmar i tråd med eigarskapsmeldinga prinsipp 12 om at nye styremedlemmar skal gjevast opplæring om ansvar, oppgåver og rollefordeling. 11.Vedta etiske retningsliner for selskapet.

3.Kommunestyret ber kommunedirektør om å rapportere til kontrollutvalet om status på oppfølginga og eventuell plan for vidare oppfølging av tilrådingane innan 26.08.2026. Planen må innehalde kva tiltak som skal setjast i verk for å følgje opp tilrådingane i rapporten, når tiltaka skal setjast i verk, og kven som skal ha ansvaret for iverksettinga.

Røysting:

Kommunedirektøren sitt framlegg vart samrøystes vedteke.