Høyring: Tilbodsstruktur VGS Agder 2027-2031

• Valle kommune sluttar seg til høyringssvaret slik det går fram av saksframlegget.

• Valle kommune legg til grunn at elevar busette i Valle og Bykle framleis skal få nærskulepoeng ved søknad til alle offentlege vidaregåande skular i Agder. Dette er eit grunnleggjande premiss for kommunen si vurdering av skule- og tilbodsstrukturen.

• Valle kommune ber Agder fylkeskommune sikre at kapasiteten ved Setesdal vidaregåande skule møter elevveksten i Indre Agder, og at skulestadene på Hornnes, Hovden og Valle blir vidareførte og utvikla.

• Valle kommune ber om at tilbodsstrukturen blir dimensjonert etter kompetansebehova i offentleg sektor, kraft- og energinæringane, teknisk drift og vedlikehald, handverksfag og reiseliv. Helse- og oppvekstfag må styrkjast, og det må vurderast relevante og samanhengande tilbod innan elektro, bygg og anlegg, sal, service og reiseliv.

• Geografi, reiseavstand og omsynet til fullføring må reknast som spesielle forhold ved vurdering av små tilbod. Terskelen på 64 prosent må ikkje praktiserast mekanisk for distriktsskular.

• Valle kommune ber om desentraliserte og arbeidsplassnære opplæringstilbod for vaksne i Setesdal

• Valle kommune bør be om etablering av Vg1 handverk, design og produktutvikling ved avdeling Valle. Det vil gi eit samanhengande løp til Vg2 gull- og sølvsmedhandverk og Vg3 gullsmedfaget. Det spesialiserte fagmiljøet bør vurderast ut frå fleire kriterium enn lokalt elevgrunnlag. Tilbodet vil styrkje rekruttering, handverkskompetanse og kulturarv og følgje opp samarbeids- og utviklingsavtalen mellom kommunen og fylkeskommunen om vidareutvikling av avdeling Valle.

• Valle kommune bør stø ei utgreiing av dronefag med Hornnes som mogleg regionalt kompetanseknutepunkt. Utgreiinga bør byggje på forprosjektet i Evje og Hornnes og omfatte heile løpet frå Vg1 elektro og datateknologi via Vg2 dronefag til Vg3 droneoperatørfaget i bedrift, inkludert elevgrunnlag og læreplassar. Kompetansen er relevant for mellom anna landbruk, energi, bygg og anlegg, naturforvaltning, beredskap og samfunnstryggleik.

Handsaming i Kommunestyret av sak 84/2026 den 24.09.2026:

Handsaming:

Framlegg frå Kjell Ove Tveiten:

Vg1 handverk design og produktutvikling ved Valle Valle kommune bør be om etablering av Vg1 handverk, design og produktutvikling ved avdeling Valle. Det vil gi eit samanhengande løp til Vg2 gull- og sølvsmedhandverk og Vg3 gullsmedfaget. Det spesialiserte fagmiljøet bør vurderast ut frå fleire kriterium enn lokalt elevgrunnlag. Tilbodet vil styrkje rekruttering, handverkskompetanse og kulturarv og følgje opp samarbeids- og utviklingsavtalen mellom kommunen og fylkeskommunen om vidareutvikling av avdeling Valle.

Utgreiing av dronefag ved Hornnes Valle kommune bør stø ei utgreiing av dronefag med Hornnes som mogleg regionalt kompetanseknutepunkt. Utgreiinga bør byggje på forprosjektet i Evje og Hornnes og omfatte heile løpet frå Vg1 elektro og datateknologi via Vg2 dronefag til Vg3 droneoperatørfaget i bedrift, inkludert elevgrunnlag og læreplassar. Kompetansen er relevant for mellom anna landbruk, energi, bygg og anlegg, naturforvaltning, beredskap og samfunnstryggleik.

Røysting over tilleggsframlegg frå Kjell Ove Tveiten:

Tilleggsframlegget vart samrøystes vedteke.

Innstillinga frå levekårutvalet med vedteke tilleggsframlegg vart samrøystes vedteken.