Hylestad barnehage - vurdering av alternative løysingar

1. Kommunestyret legg til grunn vidare arbeid med ei framtidig barnehageløysing i tidlegare Hylestad skule, med utgangspunkt i alternativ C og D i moglegheitsstudien.

2. Kommunedirektøren får fullmakt til å gå i forhandlingar med Hylestad Eigedom AS når dokumentasjon på faktiske kostnader og rekneskap på gjennomført oppussing/oppgradering er motteke, jf. PS 118/25 i kommunestyret. Framforhandla avtale skal leggjast fram for kommunestyret til endeleg godkjenning.

3. Dersom ein eventuell avtale om kjøp vert godkjend vert det sett i gang detaljprosjektering av løysinga. Detaljprosjekteringa skal særleg omfatte kvalitetssikring av investeringskostnader, vurdering av teknisk tilstand og framtidig vedlikehaldsbehov, analyse av livsløpskostnader og framtidige driftskostnader, vurdering av kor stor del av bygningsmassen som er nødvendig til barnehageføremål, mogleg sambruk og løysingar for uteområde, trafikk og parkering. Kommunestyret legg til grunn at det vert lagt til rette for brukarmedverknad med foreldre, samarbeidsutval og tilsette.

4. Kommunestyret løyver kr 500 000 til detaljprosjekteringa. Løyvinga vert innarbeidd i budsjett for 2026. Finansiering vert avklart i samband med andre tertialrapportering.

5. Endeleg sak om investering, gjennomføring og eventuell framtidig bruk eller avhending av eksisterande barnehagebygg vert lagt fram for kommunestyret når detaljprosjekteringa er gjennomført.

Tillegg til punkt 3:

Ein barnehage definerast som eit byggverk for publikum, noko som utløyser fulle krav til universell utforming (UU). Det opnast likevel for lemping av krava iflg. Pbl §31-2 forutsett at lempinga ikkje går på bekostning av vesentlege krav til sikkerheit eller UU. RPF ynskjer at det under planlegging av ombygging skal vere høgt fokus på brukarmedverknad. RPF foreslår at det skal opprettast ei tverrfagleg UU og Arbeidsmiljøgruppe som skal fylgje detaljprosjekteringa. Prosjektgruppa kan bestå av :

Prosjektleiing Arkitekt / UU rådgivar Representant frå RPF Arbeidstakarrepresentant Barnehagen er også ein arbeidsplass, og det må takast hensyn til UU også for dei ansatte. Det må vere fokus på ergonomiske UU-løysinger, både for å forebygge slitasjeskader, og for å sikre UU for arbeidstakarar med funksjonsutfordringer. Det må vere fokus på universelle personal-areal. Det vil seie at personalgarderobe, pauserom og kontorarbeidsplassar må vere universelt utforma. Prosjektet skal presenterast på kvart RPF-møte som framover skal vere i forkant av utvalsmøta. RPF skal ha høve til å kome med innspel. RPF ynskjer å ha befaring i forkant, undervegs og i sluttfasen av prosjektet, og det skal vere høve for RPF å gi innspel i alle fasene av prosjektet.

Handsaming i Kommunestyret av sak 68/2026 den 18.06.2026:

Handsaming:

Innstilinga frå formannskapet vart samrøystes vedteken.