Trepartsavtale - organisering av Valle Fjellredningsgruppe i Setesdal brannvesen IKS

1. Kommunestyret vedtek at Valle Fjellredningsgruppe inngår i ei samarbeidsordning med Setesdal brannvesen IKS, for å sikre at gruppa oppfyller nødvendige nasjonale og operative krav til bruk i redningsaksjonar.

2. Kommunestyret vedtek å dekkje ein eingongskostnad på kr 18 720 knytt til implementering av Valle Fjellredningsgruppe i naudsynte fagsystem og etablering av struktur og rutinar. Finansiering av kostnaden vert innarbeidd som budsjettregulering i samband med handsaming av andre tertialrapport 2026.

3. Kommunestyret vedtek å setje av midlar i driftsbudsjettet til Valle kommune for å dekkje årlege kostnader knytte til administrativ drift og oppfølging av Valle Fjellredningsgruppe gjennom Setesdal brannvesen IKS. Dei årlege kostnadene er estimert til om lag kr 31 000, fordelt på:

• drift og oppfølging av fagsystem (ca. kr 10 000)

• radioterminalar (ca. kr 6 000)

• forsikringar for mannskap (ca. kr 15 000)

4. Kommunestyret legg til grunn at kostnadene er estimat og kan bli justerte i tråd med faktisk behov og generell prisutvikling i avtaleperioden.

Handsaming i Kommunestyret av sak 66/2026 den 18.06.2026:

Handsaming:

Innstilinga frå formannskapet vart samrøystes vedteken.