Revisjon av kommunale utleigeprisar- og kontraktar

1. Valle kommune vedtek revidert praksis for kommunale utleigebustader i tråd med Bustadpolitisk plan 2024–2032, med skilje mellom kontraktsformer og ny modell for fastsetjing av husleige.

2. For ordinære utleigebustader skal det nyttast tidsbestemte leigekontraktar med varigheit på tre år. For omsorgsbustader og bustader tildelte etter bustadsosial lovgiving skal tidsubestemte leigekontraktar vidareførast. Eksisterande leigekontraktar blir vidareførte på gjeldande vilkår, med regulering i samsvar med kontrakt og gjeldande regelverk.

3. Valle kommune tek i bruk ein normert, arealbasert husleigemodell for kommunale utleigebustader. Modellen byggjer på faste m²-prisar per standardkategori, kombinerte med knekkpunkt ved 60 m² og 90 m², og prinsipp om lik prissetjing på systemnivå. Sosiale omsyn skal ivaretakast gjennom kontraktstype og målretta støtteordningar, særleg bustøtte.

4. Konkrete framlegg til nye husleigeprisar blir fastsette i samsvar med vedlegg A til saka. Kostnadsgrunnlag, modellvurderingar og prinsipp for prissetjing og fordelingsverknader er dokumenterte i vedlegg B–D. Kommunedirektøren får fullmakt til å gjennomføre naudsynte administrative tilpassingar i tråd med vedtaket.

Handsaming i Kommunestyret av sak 54/2026 den 28.05.2026:

Handsaming:

Tilleggsframlegg frå Kim Pedersen:

Nytt punkt 5:

Valle kommune vidarefører gjeldande prisnivå for kommunale utleigebustader og innfører konsekvent KPI-regulering for alle bustadane i samsvar med husleigelova § 4-2. For bustader der den reviderte arealbaserte modellen gir ein lågare husleige enn gjeldande nivå, vert den nye, lågare leiga innført i tråd med modellen sine utrekningar. Dette gjeld per i dag leilegheitene i Bygdeheimen (Leitebakken 19 A–D), der ein samstundes innfører eit eige tillegg for straum og internett i tråd med forslaget. Eventuelle justeringar mellom einskilde bustader der standard etter ei fullstendig og eksternt kvalitetssikra klassifisering tydeleg tilseier avvik, vert vurderte individuelt når slik kvalitetssikring ligg føre – jf. Vedlegg D – og haldast innanfor KPI-justert prisnivå.

Først vart det røysta over tilleggsframlegget til Kim Pedersen. Kim Pedersen, varaordførar, Hildeborg Homme og Gunvor Åkre røysta for. Ordførar, Malmfrid N. Homme, Niklos Berg, Kjell Ove Tveiten, Steinar Nomeland, Birgit K. Homme Harstad, Rune Andre Andersen, Knut Olav Tveiten, Jørgen Solbakk og Kristin Nomeland røysta imot.

Innstillinga frå formannskapet vart vedteke og fekk 10 røyster frå Ordførar, Malmfrid N. Homme, Niklos Berg, Kjell Ove Tveiten, Steinar Nomeland, Birgit K. Homme Harstad, Rune Andre Andersen, Knut Olav Tveiten, Jørgen Solbakk og Kristin Nomeland Kim Pedersen, varaordførar, Hildeborg Homme og Gunvor Åkre røysta i mot.