Framtidsretta eldreomsorg og buformer i Valle kommune

1. Kommunestyret tek saka til orientering.

2. Oppfølginga av verbalvedtaket vert organisert som eit tidsavgrensa prosjekt. Formannskapet skal ha det overordna politiske ansvaret for prosjektet, herunder budsjett, fastsetje overordna retning og ta stilling til strategiske og prinsipielle spørsmål undervegs. Levekårutvalet skal involverast tett i arbeidet med prosjektet. Dei har det fagpolitiske ansvaret for sektoren og skal gje innspel til prosjektets innhald , drøfte faglege og politiske problemstillingar og sikre relevans og kvalitet.

3. Kommunedirektøren får fullmakt til å setje i gang arbeidet med å utarbeide framlegg til prosjektplan for den vidare oppfølginga av arbeidet med framtidsretta eldreomsorg og buformer.

4. Framlegg til prosjektplan skal leggjast fram for levekårutvalet og formannskapet i april 2026. Prosjektplanen skal minimum innehalde mandat, mål, organisering, ressursbehov, medverknad, framdrift, risikovurdering og rapportering.

5. Kommunestyret føreset regelmessig informasjon om status i arbeidet. Endeleg prosjektrapport vert lagt fram for politisk handsaming før eventuelle investerings-, plan- eller strukturvedtak.

Handsaming i Kommunestyret av sak 21/2026 den 26.02.2026:

Handsaming:

Tilleggsframlegg frå Malmfrid Homme:

Endring i pkt. 4. Framlegg til prosjektplan skal leggjast fram for levekårutvalet og formannskapet i april 2026.

Røysting:

Tilleggsframlegget vart samrøystes vedteke. Innstillinga frå formannskapet med tilleggsframlegg vart samrøystes vedteken.