Arealplanrevisjon kommunedelplan for Brokke - Val av planar til revisjon

1. Kommunestyret tek arealplanrevisjon for Brokke til orientering, slik ho går fram av hovuddokumentet Arealplanrevisjon for Brokke med vedlegg Kunnskapsgrunnlag og vurdering og medverknadsprosess.

2. Kommunestyret vedtek at følgjande planar vert vidareførte utan endring i arbeidet med kommunedelplan for Brokke:

• Detaljregulering for del av Furestøyl, H5 og T1

• Reguleringsplan for Furestøyl Aust

• Reguleringsplan for Sitåsen hyttefelt, H1 og H2

• Detaljregulering for Jarnsverk parkeringsområde

3. Kommunestyret vedtek at følgjande planar og felt vert delvis vidareførte og skal følgjast opp med nærare vurdering gjennom konsekvensutgreiing i arbeidet med kommunedelplan for Brokke. Vedtaket skal ikkje tolkast som stillingtaking til framtidig utbygging eller omfang:

• Kommuneplanens arealdel 2016–2028, felt BFR08 og delar av BFR10

• Reguleringsplan for Kvisle

• Detaljreguleringsplan for Grasdalen – område L1 og J3

• Delar av detaljreguleringsplan for Vardefjødd hyttefelt

• Reguleringsplan for Jarnsverk

4. Kommunestyret vedtek at detaljreguleringsplan for Reigårsstøylen vert teke ut av avgrensinga for kommunedelplan for Brokke og vidare handtert gjennom kommuneplanens arealdel. Dette er ei avklaring av rett plannivå, og ikkje ei vurdering av utbyggingspotensial.

5. Vedtaket legg føringar for vidare arbeid med kommunedelplan for Brokke. Endelege avgjerder om arealbruk vert fastsette gjennom seinare planprosess med høyring og offentleg ettersyn i samsvar med plan- og bygningslova. I alle planer som vert reviderte må ein ta særlig hensyn til beite og beiterettar for å hegne om grunneigaranes rett til å nytte utmarksbeite.

6. Planinitiativet Stigemyran er ikkje ein del av arealplanrevisjonen, men må forhalde seg til vedteken kommunedelplan Brokke.

Handsaming i Kommunestyret av sak 6/2026 den 29.01.2026:

Handsaming:

Steinar Nomeland bad kommunestyret vurdere gildskapen jf. fvl. § 6, 1. ledd pkt. e, då han er dagleg leiar i Brokke vatn og avløp. Steinar Nomeland fråtrådde møtet. Steinar Nomeland vart samrøystes funnen ugild til å handsame saka.

Tilleggsframlegg frå ordførar på vegne av SP og AP:

Nytt punkt 6: Planinitiativet Stigemyran er ikkje ein del av arealplanrevisjonen, men må forhalde seg til vedteken kommunedelplan Brokke.

Røysting:

Tilleggsframlegget frå ordførar vart samrøystes vedteke. Innstillinga frå formannskapet med tilleggsframlegg vart samrøystes vedteken.