Oppfølging av verbalvedtak om byggjeskikk og arkitektur

1. Kommunestyret tek vurderingane til kommunedirektøren til orientering.

2. Arbeidet med byggjeskikk og arkitektur skal følgjast opp gjennom:

o innarbeiding av overordna formuleringar om byggjeskikk og estetikk i samfunnsdelen til ny kommuneplan o revisjon av tilskotsordninga for bustadbygging slik at ho også kan omfatte rådgjeving/arkitektbistand ved nybygg og renovering o revisjon av byggjeskikkrettleiaren med sikte på politisk godkjenning i løpet av 2026

3. Punktet om byggjeskikk i kommunale byggeprosjekt skal takast inn i byggjeskikkrettleiaren, slik at kommunen får felles prinsipp for korleis byggjeskikk vert ivareteken i eigne prosjekt.

4. Kommunestyret sluttar seg til at byggjeskikkprisen vert vidareført med ei årleg ramme på kr 20 000.

Handsaming i Kommunestyret av sak 113/2025 den 10.12.2025:

Handsaming:

Alternativt framlegg frå Georg Sørmo på vegne av Høgre og Bygdelista:

1. Kommunestyret tek saka til orientering.

2. Arbeidet med byggjeskikk og arkitektur vert avslutta som eige satsingsområde.

3. Valle kommune skal ikkje vidareføre særskilde tiltak knytt til:

• innarbeiding av overordna formuleringar om byggjeskikk og estetikk i samfunnsdelen til ny kommuneplan

• revisjon av tilskotsordninga for bustadbygging med rådgjeving/arkitektbistand

• revisjon av byggjeskikkrettleiaren

• særskilde prinsipp for kommunale byggeprosjekt

4. Byggjeskikkprisen vert avvikla frå og med 2026.

Alternativ røysting:

Framlegget frå Georg Sørmo fekk 6 røyster frå Rune Ander Andersen, Knut Erik Paulsen, Steinar Nomeland, Knut Hagen, Kristin Nomeland og Georg Sørmo. Innstillinga frå formannskapet fekk 9 røyster frå ordførar, varaordførar, Kim Pedersen, Hildeborg Homme, Kjell Ove Tveiten, Malmfrid Homme, Gunvor Åkre, Ola Aarsland og Jørgen Solbakk.