Budsjett 2026 og økonomiplan 2026-2029

1. Ein økonomiplan i balanse med inntekter og utgifter som går fram av bevilgningsoversikt § 5-6 – drift i budsjett 2026 og økonomiplan 2026–2029.

2. Rammar fordelt til tenesteområda som vist i bevilgningsoversikt § 5-4 – drift, netto.

3. Investeringar i tråd med § 5-5 – bevilgningsoversikt – investeringar.

4. Låneopptak i tråd med skjema § 5-5 Bevilgningsoversikt – investering, på inntil 17,544 mill. kroner, jf kommunelova § 14-15, med avdragstid på 30 år.

5. Lån til vidareutlån gjennom Husbanken på 2,0 mill. kr, avdragstid på inntil 30 år.

6. Endringar i gebyr- og betalingssatsar som går fram av budsjettdokumentet

7. Ved utskriving av formuesskatt og inntektsskatt – skattøre – for personlege skattytarar og andre skattytarar skal det for 2026 nyttast maksimal skattesats slik desse vert fastsette av Stortinget.

8. Eigedomsskatt etter eigedomsskattelova § 3 c på kraftverk mm vert skrive ut innafor kommunen sine grenser. Skattesatsen i høve § 13 på 7 promille av takstverde vert nytta. Det skal nyttast maksimale satsar. Eigedomsskatten er delt i fire terminar, jf § 25, med forfall 1. april, 1. juni, 1. august og 1. oktober i budsjettåret. Drift

Tenesteområde/gruppering Tiltak

Sentraladministrasjonen Reintbrennande vedomn/varmepumpe

Teknisk Nytt autovern langs kommunale vegar

Pleie og omsorg Framtidsretta eldreomsorg

Oppvekst Brukarbetaling barnehagane

Netto finansutgifter Renteutgifter

Netto finansutgifter Avdrag på lån

Sum disponeringar eller dekning av netto

driftsresultat Avsettingar til disposisjonsfond

Sum disponeringar eller dekning av netto

driftsresultat Bruk av disposisjonsfond

Sum endring drift

Investeringar

Tenesteområde/gruppering Investering

Teknisk Kommunale bustader på Rysstad

Teknisk Tømestasjon bubil Rysstad

Teknisk Nye cellekontor velkomst

Teknisk Solskjerming kommunehuset

Sum investeringsinntekter Kompensasjon for meirverdiavgift

Sum investeringsinntekter Tilskot frå andre

Sum investeringsinntekter Bruk av lån

Sum endring investering

Verbalforslag

Utgreie Frisklivssentral

Vedlikehald av kommunale vegar

Tilrettelegging av kommunens heimeside

Stadnamninnsamling i heiane

A. Valle kommune løyver 250 000 frå disposisjonsfondet til moglegheitsstudie til arbeid om framtidsretta eldreomsorg og buformer

Bakgrunn

Valle kommune står framfor ei demografisk utvikling som tydeleg viser at talet på eldre vil auke dei neste åra. Dette krev at kommunen alt no startar arbeidet med å planleggje og utvikle bustadløysingar som både møter framtidige behov og sikrar høg livskvalitet for eldre innbyggjarar.

Tradisjonelle alders- og sjukeheimar er på veg ut som hovudmodell, og sjukeheimane vert nytta for dei mest pleietrengande. I mange kommunar, både i Noreg og internasjonalt, blir det utvikla nye buformer som kombinerer trygge, tilgjengelege bustader med felles løysingar, sosialt miljø og tilgang til helsepersonell. Døme på dette er moderne bufellesskap med døgnkontinuerleg tilsyn frå helsepersonell, felles måltid, aktivitetstilbod og rom for sosial deltaking – alt tilpassa den enkelte sitt funksjonsnivå og ynskje.

For å sikre eit kunnskapsbasert grunnlag for framtidig planlegging og investering, er det behov for å hente inn ekstern kompetanse frå relevante fagmiljø som Husbanken, arkitektar, samfunnsplanleggarar og forskingsmiljø innan velferdsteknologi og omsorgsinnovasjon.

Arkitektmiljøet Helen & Hard, og fleire andre fagmiljø, arbeider med spanande løysingar der både bygningsdesign og organisering av tenester bidreg til å redusere ressursbruk og samtidig styrke livskvalitet, aktivitet, fellesskap og tryggleik. Einsemd og inaktivitet blir ofte peikte på som store samfunnsutfordringar, og eit framtidsretta omsorgstilbod må møte dette aktivt.

For å sikre at Valle kommune står godt rusta for framtida, og for å få eit breitt kunnskapsgrunnlag før vidare politiske vedtak, kjem eg med fylgjande framlegg:

Forslag til vedtak:

Valle kommune løyver kr 250 000 frå disposisjonsfondet til arbeid med framtidsretta eldreomsorg og buformer. Midlane skal nyttast til følgjande:￿￿

1. Temadag om framtidas eldreomsorg

• Administrasjonen får i oppdrag å arrangere ein temadag med faglege innlegg, digitale presentasjonar (t.d. via Teams), eksterne foredragshaldarar og visning av relevante prosjekt for kommunestyret og administrasjonen.

• Målet er å få oppdatert kunnskap om nye buformer, innovasjon i omsorgstenester og erfaringar frå andre kommunar.

2. Studiereise for formannskapet

• Det gjennomførast ei kort studiereise til ein kommune eller institusjon som har utvikla framtidsretta buformer for eldre.

• Dette skal gi politikarane fyrstehands erfaringar og innsikt som grunnlag for framtidige investeringar og planprosessar.

3. Moglegheitsstudie

• Det blir sett ned ei eiga arbeidsgruppe med politiske representantar, administrative representantar og eksterne fagpersonar. Gruppa skal gjennomføre eit moglegheitsstudie for framtidsretta eldreomsorg og nye sosiale buformer. Dette inneber å utgreie moglegheiter for utvikling av nye buformer som støttar framtidas behov. Arbeidsgruppa utarbeidar en rapport som syner styrker og svakheiter med ulike løysingar jf. demografiske framskrivingar.

• Arbeidet skal fasiliterast av ekstern fagkompetanse med erfaring frå utvikling av sosiale buformer og innovative omsorgsløysingar.

• Kommunen søkjer Husbanken om fagleg representasjon i arbeidsgruppa og økonomisk støtte til prosessen.

B. Kommunestyret bed administrasjonen greie ut behovet for, og konsekvensar av oppretting av Frisklivssentral i Valle kommune.Den demografiske trenden i Valle syner at me får fleire eldre i kommunen. Det ligg potensielt stor samfunnsmessig og økonomisk vinst i tilrettelegging og førebygging for denne aldersgruppa.For Valle kommune vil eit førebyggande lågterskeltilbod kunne bidra til å nå målsettinga om 5% sjukefråvær mellom dei tilsette. Frisklivssentralar er meinte å vere nettopp slike tilbod, der ein kan få tips, råd og oppfølging etter “drop-in”-prinsippet" Saka kjem attende til kommunestyret innan april 2026.

C. Kommunestyret ber om ei sak der det vert lagt fram ei oversikt over kommunale vegar, og status på asfalt og generelt vedlikehald. Dette må leggjast fram innan juni 2026

D. Kommunedirektøren bes om å leggje fram ei sak til første tertial med kostnadsoverslag og plan på å tilretteleggje heimesida for blinde, svaksynte og folk med lese og skrivevansker.

E. Tilskot til reintbrennande vedomn/varmepumpe held frem i noverande form. Kr 300.000 vert sett av kvart år, og innarbeidast i budsjett og øk.plan som fast ordning 2026-2029. Finansiering: Disposisjonsfond

F. Stadnamninnsamling i heiane Administrasjonen tek initiativ til eit prosjekt for innsamling av stadnamn i heiane. Prosjektet er i hovudsak tenkt dugnadsbasert, og gjennomførast innafor gjeldande budsjettrammer, eventuelt med ekstern finansiering. Ein står fritt til å knyte til seg andre samarbeidspartnerar. Prosjektet legg til rette ein modell for registrering og gjennomføring som lett kan nyttast av grendelag, einskildpersonar, eller andre som ynskjer å bidra i dugnaden. Administrasjonen legg fram ei prosjektskisse for kommunestyret innan juni 2026.

Handsaming i Kommunestyret av sak 119/2025 den 10.12.2025:

Handsaming:

Alternativt framlegg frå Høgre og Bygdelista:

1. Ein økonomiplan i balanse med inntekter og utgifter som går fram av bevilgningsoversikt § 5-6 – drift i budsjett 2026 og økonomiplan 2026–2029.

2. Rammar fordelt til tenesteområda som vist i bevilgningsoversikt § 5-4 – drift, netto.

3. Investeringar i tråd med § 5-5 – bevilgningsoversikt – investeringar.

4. Låneopptak i tråd med skjema § 5-5 Bevilgningsoversikt – investering, på inntil 17,574 mill. kroner, jf kommunelova § 14-15, med avdragstid på 30 år.

5. Lån til vidareutlån gjennom Husbanken på 2,0 mill. kr, avdragstid på inntil 30 år.

6. Endringar i gebyr- og betalingssatsar som går fram av budsjettdokumentet

7. Ved utskriving av formuesskatt og inntektsskatt – skattøre – for personlege skattytarar og andre skattytarar skal det for 2026 nyttast maksimal skattesats slik desse vert fastsette av Stortinget.

8. Eigedomsskatt etter eigedomsskattelova § 3 c på kraftverk mm vert skrive ut innafor kommunen sine grenser. Skattesatsen i høve § 13 på 7 promille av takstverde vert nytta. Det skal nyttast maksimale satsar. Eigedomsskatten er delt i fire terminar, jf § 25, med forfall 1. april, 1. juni, 1. august og 1. oktober i budsjettåret.

Tilleggsframlegg frå Arbeiderpartiet og Senterpartiet:

1. Tilskot til reintbrennande vedomn/varmepumpe held frem i noverande form. Kr 300.000 vert sett av kvart år, og innarbeidast i budsjett og øk.plan som fast ordning 2026-2029.

Finansiering: Disposisjonsfond

2. Valle kommune held fram med finansiering av pipeløp i 2026.

Finansieringa skal skje gjennom reduksjon i kostnader knytte til driftsrammene kommunedirektør/ innleigd konsulentbistand kr 250.000, samt reduksjon Kr.200.000 ramme PLO 2026.

Stadnamninnsamling i heiane

Administrasjonen tek initiativ til eit prosjekt for innsamling av stadnamn i heiane.

Prosjektet er i hovudsak tenkt dugnadsbasert, og gjennomførast innafor gjeldande budsjettrammer, eventuelt med ekstern finansiering. Ein står fritt til å knyte til seg andre samarbeidspartnerar.

Prosjektet legg til rette ein modell for registrering og gjennomføring som lett kan nyttast av grendelag, einskildpersonar, eller andre som ynskjer å bidra i dugnaden. Administrasjonen legg fram ei prosjektskisse for kommunestyret innan juni 2026.

Tilleggsframlegg frå varaordførar:

Parkeringsplass ved Valle kyrkje. Kan det vurderast om parkeringsløysinga ved Valle kyrkje kan løysast på ein annan måte for å unngå nedbygging av matjord?

Framlegg: Formannskapet og planutvalet har ei synfaring saman med administrasjonen for å vurdere om det finst alternative løysingar.

Det vart først røysta over dei alternative framlegga til budsjett og økonomiplan og deretter over tilleggsframlegga.

Alternativ røysting:

Framlegget frå Høgre og Bygdelista fekk 7 røyster

Innstillinga frå formannskapet fekk 8 røyster og vart vedteke.

Røysting på tilleggsframlegg:

Valle kommune held fram med finansiering av pipeløp i 2026.

Finansieringa skal skje gjennom reduksjon i kostnader knytte til driftsrammene kommunedirektør/ innleigd konsulentbistand kr 250.000, samt reduksjon Kr.200.000 ramme PLO 2026.

6 røysta for (Ordførar, varaordførar, Kim Pedersen, Hildeborg Homme, Kjell Ove Tveiten og Gunvor Åkre).

9 røysta i mot. (Malmfrid Homme, Ola Aarsland, Rune Andre Andersen, Knut Erik Paulsen, Steinar Nomeland, Georg Sørmo, Jørgen Solbakk, Knut Hagen og Kristin Nomeland).

Tilskot til reintbrennande vedomn/varmepumpe held frem i noverande form. Kr 300.000 vert sett av kvart år, og innarbeidast i budsjett og øk.plan som fast ordning 2026-2029.

Finansiering: Disposisjonsfond

Samrøystes

Parkeringsplass ved Valle kyrkje. Kan det vurderast om parkeringsløysinga ved Valle kyrkje kan løysast på ein annan måte for å unngå nedbygging av matjord?

Framlegg: Formannskapet og planutvalet har ei synfaring saman med administrasjonen for å vurdere om det finst alternative løysingar. 5 røysta for (Ordførar, varaordførar, Kim Pedersen, Ola Aarsland og Gunvor Åkre).

10 røysta i mot. (Malmfrid Homme, Hildeborg Homme, Kjell Ove Tveiten, Rune Andre Andersen, Knut Erik Paulsen, Steinar Nomeland, Georg Sørmo, Jørgen Solbakk, Knut Hagen og Kristin Nomeland).

Stadnamninnsamling i heiane

Administrasjonen tek initiativ til eit prosjekt for innsamling av stadnamn i heiane.

Prosjektet er i hovudsak tenkt dugnadsbasert, og gjennomførast innafor gjeldande budsjettrammer, eventuelt med ekstern finansiering. Ein står fritt til å knyte til seg andre samarbeidspartnerar.

Prosjektet legg til rette ein modell for registrering og gjennomføring som lett kan nyttast av grendelag, einskildpersonar, eller andre som ynskjer å bidra i dugnaden.

Administrasjonen legg fram ei prosjektskisse for kommunestyret innan juni 2026.

Samrøystes.

Innstillinga med vedtekne tilleggsframlegg vart samrøystes vedteke.