Svar på høyring - heilskapleg omstilling og effektivisering av tannhelsetenesta i Agder

Valle kommune sluttar seg ikkje til framlegget til ny tannklinikkstruktur i Agder slik det er skissert i høyringsdokumentet "Helhetlig omstilling og effektivisering av tannhelsetjenesten i Agder".

Valle kommune meiner:

• At dagens organisering av klinikkane i Valle og Bykle gjev eit fagleg forsvarleg og nært tilbod som bør vidareførast.

• At ei framtidig organisering må sikre reell geografisk likeverd i tilgangen til tenester.

• At dei tilrådde endringane i struktur og opningstid vil føre til svekking av pasienttryggleik og tenestenivå for innbyggjarane, særleg born, eldre og andre sårbare grupper som ikkje har tilgang til bil eller som er avhengige av offentleg transport.

• At framlegg til endringar vil svekkje beredskapen for innbyggjarane og tilreisande i Setesdal nord.

Høyringssvaret frå Valle kommune er konkretisert ytterlegare i saksutgreiinga.

Handsaming i Kommunestyret av sak 69/2025 den 25.06.2025:

Handsaming:

Innstillinga frå formannskapet vart samrøystes vedteken.