Godkjenning av anbod - firemannsbustad i Leite sør

1. Tilbod frå Evje Bygg AS på kr 13 034 613 inkl. mva. vert godkjent.

2. Tilbod frå TT Anlegg AS på kr 2 120 458 inkl. mva. vert godkjent.

3. Budsjettramma for prosjektet vert auka til kr 18.150.000. Solceller og varmesentral vert teke ut av prosjektet.(reduksjon kr.850.000) og vert innarbeidd i budsjett for 2025 og økonomiplanen for 2025-2028.

4. Grunnarbeidet inkluderer opparbeiding av ei tomt på andre sida av vegen.

5. Kommunedirektøren får fullmakt til å forhandle fram avtale med nabo om bruk av masser henta frå kommunen sine tomter.

Handsaming i Kommunestyret av sak 129/2024 den 27.11.2024:

Handsaming:

Knut Hagen bad kommunestyret vurdere gildskapen då han har leiande stilling i firma som har gjeve inn pris. Knut Hagen fråtrådde, og vart samrøystes funnen ugild til å handsame saka. Marianne Rysstad trådde inn som vara.

Endringsframlegg frå Kim Pedersen:

Nytt punkt 3:

Budsjettramma for prosjektet vert auka til kr 18.150.000. Solceller og varmesentral vert teke ut av prosjektet.(reduksjon kr.850.000) og vert innarbeidd i budsjett for 2025 og økonomiplanen for 2025-2028. Ellers som innstillinga.

Alternativt framlegg frå Georg Sørmo:

1. Prosjektet «firemannsbustad i Leite sør» vert avslutta då anbodssummen vart vesentleg høgare enn budsjett.

2. Det opphavlege budsjettet på kr 15 000 000 vert omdisponert til kjøp av bustadeiningar i sentrumsområda og lagt inn som tiltak i budsjettet for 2025 og økonomiplanen for 2025-2028 i tråd med det som går fram av saksutgreiinga. Føremålet er å stimulere til bustadbygging i privat regi i sentrumsområda i Valle og på Rysstad.

Alternativ røysting:

AP/SP røysta for framlegget til Kim Pedersen (8) BL/H røysta for framlegget til Georg Sørmo (7)