Endring/justering av utbyggingsavtalane for Furestøylområdet

Kommunestyret godkjenner endring av utbyggingsavtalane i Furestøylområdet når det gjeld punktet om frivillig bidrag til fond slik at det får denne ordlyden:

Kvisle eigedom AS og Brokke eigedom AS ser det som viktig at hytteområda i Brokke vidareutviklast som sommar- og vinterdestinasjon og ønsker derfor å også bidrage økonomisk til dette. Kvisle eigedom AS og Brokke eigedom AS forpliktar seg på denne bakgrunn til å betale kr. 40 000,- per hytteeining som utbygger avhender. Kontantbidraget er kroneverdi per 01.01.2025 og justerast kvart. 10 år med kr. 5000,-, fyrste gong 01.01.2035. Beløpet skal avsettast til eit fond for finansiering av framtidig utvikling av Brokke som sommar- og/eller vinterdestinasjon, samt eventuell kompensasjon til grunneigarar. Fondet skal forvaltast av eit styre på tre personar. To av medlemmene skal utpeikast av Kvisle eigedom AS/Brokke eigedom AS og eit medlem skal utpeikast av kommunedirektøren i Valle. Styret skal disponere midlane i fondet til utvikling av Brokke som sommar- og/eller vinterdestinasjon, samt yte eventuell kompensasjon til grunneigarar. Innbetaling til fondet forfell til betaling samtidig med gebyr for byggesakshandsaming.

Handsaming i Kommunestyret av sak 125/2024 den 27.11.2024:

Handsaming:

Innstillinga frå formannskapet vart samrøystes vedteken.