Arkiv- og museumsstrukturen i Agder

Valle kommune peika i samband med høyringa i vår på alternativ 2 som den mest framtidsretta løysinga for arkiv- og museumsstrukturen i Agder. Kommunestyret tek til etterretning at fleirtalet av eigarane har vald alternativ 1. Samstundes tek styringsgruppa i si tilråding til orde for at samarbeidet skal evaluerast etter 4 år. Då skal ein også sjå på økonomiske og organisatoriske konsekvensar med overgang til andre strukturar, bla. A2 og A3. Med bakgrunn i den planlagde evalueringa stiller Valle kommune seg bak tilrådinga frå styringsgruppa om vegen vidare for arkiv- og museumsstrukturen på Agder.

Handsaming i Kommunestyret av sak 131/2024 den 27.11.2024:

Handsaming:

Kim Pedersen bad kommunestyret vurdere gildskapen då han sit i styret for Aust-Agder museum og Arkiv IKS. Kim Pedersen fråtrådde møtet. Margit Dale bad kommunestyret vurdere gildskapen då ho sit i styret for Aust-Agder museum og Arkiv IKS. Margit Dale fråtrådde møtet. Kim Pedersen vart samrøystes funnen ugild til å handsame saka. Margit Dale vart samrøystes funnen ugild til å handsame saka.

Innstillinga frå formannskapet vart samrøystes vedteken.