Vassforsyning til Espetveit - finansiering og godkjenning av anbod

1. Kommunestyret godkjenner at investeringsramma for legging av vassledning til Espetveit vert sett til kr. 2.100.000,-.

2. Finansiering blir gjort med at utgiftene i 2024 på ca. kr. 250.000,- blir dekka innanfor vedteke budsjett og at resterande kr. 1.850.000,- blir lagt inn i investeringsbudsjettet for 2025

3. Kommunestyret godkjenner at det vert teke opp kontraktsforhandlingar med lågaste tilbydar Lindland Maskin AS for gjennomføring av tiltaket.

4. Kommunedirektøren får fullmakt til å inngå nødvendige kontraktar/avtalar innanfor vedteken investeringsramme.

Handsaming i Kommunestyret av sak 114/2024 den 30.10.2024:

Handsaming:

Knut Hagen bad kommunestyret vurdere hans gildskap då han har leiande stilling i firma som har gjeve inn pris.

Knut Hagen fråtrådde, og vart samrøystes funne ugild til å handsame saka.

Framlegg frå Jørgen Solbakk:

Saka vert utsett til neste møte.

Røysting for utsettelsesframlegget:

Framlegget fekk 5 røyster frå Georg Sørmo, Steinar Nomeland, Frøydis Junge, Knut Olav Tveiten og Jørgen Solbakk.

Lars Tarald Myrum, Margit Dale, Kim Pedersen, Kjell Ove Tveiten, Hildeborg Homme, Ola Aarsland, Gunvor Edel Åkre og Malmfrid N. Homme røysta imot.

Framlegget om utsetting fall.

Innstillinga frå formannskapet fekk 8 røyster frå Lars Tarald Myrum, Margit Dale, Kim Pedersen, Kjell Ove Tveiten, Hildeborg Homme, Ola Aarsland, Gunvor Edel Åkre og Malmfrid N. Homme og vedteke.

Georg Sørmo, Steinar Nomeland, Frøydis Junge, Knut Olav Tveiten og Jørgen Solbakk røysta imot.