Førespurnader

Handsaming i Kommunestyret av sak 94/2023 den 25.10.2023:

Malmfrid Nyborg Homme:

1.1.2023 slutta rutebussen mellom Kristiansand og Hovden å køyre om Homme og Tveitebø, for i staden å køyre direkte frå Einangkrysset til Nordibø. Det resulterte i at me som bur i Homme og Tveitebø må kome oss til sentrum på anna vis for å ta bussen videre og det er ganske så ugreit. Me treng jo at bussen går der det bur folk (og er busstopp) om me skal bruke han. Kva kan gjerast med dette frå Valle kommune si side?

Ordførar:

Endringa som er gjort skjedde i 2023. Ein del av argumentasjonen er at det er få brukarar på den strekninga og tidsbruken. Eg skal følgje det opp og arbeide for at ruta skal leggjast innom Homme att.

Kommunestyret ber administrasjonen utarbeide ei sak til neste møte.

Steinar Nomeland:

Er det mogleg at kommunestyrerepresentantar kan få bli med på politikarskulen som plan og miljø skal delta på?

Ordførar:

Er positiv til forslaget og administrasjonen ser på moglege løysingar.