Budsjett 2026 - Eigedomsskatt - Fastsetting av skattesats jf. eskl. § 11

For eigedomsskatteåret 2026 skal det skrivast ut eigedomsskatt i heile kommunen, jf. eigedomsskattelova §3, første ledd bokstav a.

Nissedal kommunestyre vedtek med dette at den alminnelege eigedomsskatten for skatteåret 2026 er 7 promille jf. eigedomsskattelova § 11, 1. ledd. Vidare er differensiert skattesats for eigedomar med sjølvstendige bustadeler og fritidsbustader, for skatteåret 2026 er 1,23 promille, jf. eigedomsskattelova § 12, bokstav a.

Det vert ikkje nytta botnfrådrag. Eigedomsskatten forfell til betaling kvartalsvis. Skattytar kan og velje månadleg eller årleg innbetaling av eigedomskatten.

Saksprotokoll i Kommunestyret - 11.12.2025

Endringsframlegg frå AP v/Paul Willy Setane:

Første del av tilråding endrast slik:

For eigedomsskatteåret 2026 skal det skrivast ut eigedomsskatt i heile kommunen, jf. eigedomsskattelova §3, første ledd bokstav a. Nissedal kommunestyre vedtek med dette at den alminnelege eigedomsskatten for skatteåret 2026 er 7 promille jf. eigedomsskattelova § 11, 1. ledd. Vidare er differensiert skattesats for eigedomar med sjølvstendige bustadeler og fritidsbustader, for skatteåret 2026 er 1,4 promille, jf. eigedomsskattelova § 12, bokstav a.

Votering: 8 røysta for tilråding (SP, Geir Christian Enger, Bjørn Leirvik), 9 røysta for AP sitt endringsframlegg (AP, H, Frp., Uavh., Magne Haugsjå).