Ansvars- og budsjettmessige avklaringar knytt til Grindstugulego-prosjektet

1. Grindstugulego-prosjektet vert utvikla og gjennomført med Vågå kommune som byggherre.

2. Det vert omdisponert kr 5 000 000 frå prosjekt 5139 til gjennomføring av Grindstugulego-prosjektet. Omdisponeringa vert gjennomført slik:

a) kr 2 500 000 i 2026

b) kr 2 500 000 i 2027

3. Kommunedirektøren får fullmakt til å kjøpe gnr. 66 bnr. 1 fnr. 104 innanfor ramma av dei omdisponerte midlane. Ordførar får fullmakt til å signere kjøpekontrakt på vegner av kommunen.

4. Vågå kommune ynskjer at Vågå Bustadselskap nytter av eigenkapitalen i selskapet til kjøp av bustader som erstatning for bustadene som vert rivne i Grindstugulego. Kommunen følgjer dette opp som eigar i dialogen med bustadselskapet. Vedtekter og formål for Vågå Bustadselskap blir gjennomgått og vedteke i Generalforsamling.

Samrøystes