Områderegulering for Vågåmo for flomsikring mot Finna, Nugga og Otta - Innskrenking av planområdet

Planområdet for områdereguleringsplanen som det med heimel i plan- og bygningslova §§ 12-2, 12-8 og 12-9 jf. § 4-1 er varsla oppstart av planarbeid for, blir redusert i samsvar med kart vist i figur 4 i saksframlegget der ny plangrense er vist med raud stipla line. Grunngjevinga for å innskrenke planområdet ved å ta ut areal i Ottaelva nedstrøms utløpet av Nugga er at dette arealet ikkje er nødvendig ut frå flomsikring, som er formålet med planarbeidet. Ved å redusere planområdet reduserer ein kompleksitet og utgreiingskostnader og legg til rette for ein mest mogleg føreseieleg planprosess med nødvendig framdrift for planavklaring av dei flomsikringstiltak NVE planlegg for.

Dersom det gjennom NVE sitt vidare utgreiingsarbeid for flomsikringstiltak oppstår behov for å gjere mindre justeringar av

plangrensa, får kommunedirektøren mynde til å gjere dette. Dette av omsyn til tidsbruk i planprosessen.

Samrøystes Det var 16 røysteberettiga under behandlinga av denne saka.