Interpellasjon - Nei til vind- og solkraftanlegg i Skogbygds- og Jettfjellet

Det er viktig for Vågå kommune at aktørar som ynskjer å satse i Vågå skal bli godt motteke. Vi takkar Fred Olsen Renewables for initiativ til å etablere "Vågå energipark". Det er ønskeleg å sjå etter moglegheiter for å få meir forybar kraftproduksjon også lokalt. Vågå kommune ka likevel ikkje sjå at så omfattande og irreversible naturinngrep skal kunne gagne bygda og vil ikkje imøtekomme ein prosess med å etablere vindkraftanlegg i inngrepsfrie naturområde.

Vågå kommune meiner at regjeringa på langt nær har utnytta handlingsrommet med å intensivere arbeidet med energisparing, effektivisering og prioritering av den krafta vi har.

Saka blir behandla som sak etter kommuneloven og ikkje som interpellasjon. Ordførar Harald Sve Bjørndal stilte spørsmål om sin habilitet i saka. Kommunestyret vedtok samrøystes at Harald Sve Bjørndal er inhabil i saka. Han gjekk frå under behandlinga av saka. Steinar Aasgaard stilte spørsmål om sin habilitet i saka. Kommunestyret vedtok samrøystes at Steinar Aasgaard er inhabil i saka. Han gjekk frå under behandlinga av saka. Jostein Visdal vart samrøystes vald som settevaraordførar. Forslag frå Svein Holen - SV om endring i forslag til vedtak:

Ordlyden "Med tilvising til grunngjevinga ovanfor" er teke ut. Forslag til vedtak blir da:

Vågå kommunestyre seier nei til å etablere industriområde for vindkraft i kommunen sine fjellområde. Kommunen set difor stopp for Fred Olsen Renewables sine planar om å etablere vind- og solkraftanlegg i Skogbygds- og Jettfjellet. Forsalg til vedtak frå BL og SP:

Det er viktig for Vågå kommune at aktørar som ynskjer å satse i Vågå skal bli godt motteke. Vi takkar Fred Olsen Renewables for initiativ til å etablere "Vågå energipark". Det er ønskeleg å sjå etter moglegheiter for å få meir forybar kraftproduksjon også lokalt. Vågå kommune ka likevel ikkje sjå at så omfattande og irreversible naturinngrep skal kunne gagne bygda og vil ikkje imøtekomme ein prosess med å etablere vindkraftanlegg i inngrepsfrie naturområde. Vågå kommune meiner at regjeringa på langt nær har utnytta handlingsrommet med å intensivere arbeidet med energisparing, effektivisering og prioritering av den krafta vi har.

Forslag frå BL/SP vart vedteke med 9 mot 8 røyster (Gjermund Øihusom, Bjørg Aaseng Vole, Imbert Kleiven, Marte Linderud og Geir Inge Stadeløkken - AP, Anne Silje Berg og Svein Holen - SV og Marius

M. Haugaløkke - SP stemte i mot)