Utbygging av kommunalt avløpsnett i Uppnose bustadfelt.

1. Skjåk kommune går inn for å vidareutvikle Uppnose bustadfelt med ny veg- og tomteløysing nedanfor eksisterande bebyggelse, og å byggje ut kommunalt spillvassnett slik at nye tomter kan koplast på og det blir lagt til rette for påkopling av flest mogleg av eksisterande bustader.

2. Kommunestyre gje kommunedirektøren fullmakt til å gjennomføre forhandlingar og teikne avtale med Skjåk Almenning (SA) om makeskifte av naudsynt grunn nedanfor bustadfeltet.

3. Skjåk kommune løyver inntil 4,5 mill. kr (eks. mva) til prosjektering og gjennomføring av tiltaket. Finansiering skjer ved omdisponering innanfor planlagde investeringar for VA i 2026 og 2027. Dette vil si at samla ramme for økonomiplanen ikkje vert auka.

4. Kommunedirektøren får fullmakt til å gjennomføre anskaffing og bygging innanfor løyvinga. Dersom innkomne tilbod viser at prosjektet ikkje kan gjennomførast innanfor løyvinga, skal saka leggjast fram for politisk handsaming med oppdatert kostnadsoverslag og forslag til vidare løysing. Skissa for planlagd trase og tilknytingspunkt blir lagt til grunn i vidare prosjektering, med eventuelle justeringar etter faglege vurderingar.

5. Kommunedirektøren bes om å starte opp med ei revidering av reguleringsplan for Uppnåse boligfelt når det er ledig kapasitet for dette.

Bernt Dahl (BL) stilte spørsmål om eigen habilitet, da han er saksbehandlar i saka. Dahl vart samrøystes funne inhabil. Samrøystes som innstilling.