Jakt på bever i Skjåk

1. Forslaget til forskrift om opning for jakt og fangst av bever, Skjåk kommune, Innlandet, blir vedteke med fylgjande ordlyd:

Forskrift om opning for jakt og fangst av bever, Skjåk kommune, Innlandet § 1.Føremål Føremålet med forskrifta er å leggje til rette for ei berekraftig forvalting av bever der det vert teke omsyn til naturleg utbreiing av bever, jakt og fangst av bever som nærings- og rekreasjonskjelde og for førebygging av unødige skader og ulemper på andre samfunnsinteresser. § 2.Opning for jakt og fangst Det blir opna for jakt og fangst av bever i heile Skjåk kommune. Uttaket skal vera størst i dei områda der beveren gjer skade på t.d. landbruk, infrastruktur eller andre samfunnsinteresser. Kommunen kan fastsette ei årleg eller fleirårleg (maksimalt treårig) kvote for jakta. Kvoten kan bli fordelt til godkjente hjorteviltvald i Skjåk kommune. § 3.Jakt- og fangsttid Jakt- og fangsttida følgjer den til ei kvar tid gjeldande jakttid som er fastsett sentralt i forskrift om jakt og fangsttider vedteke med heimel i lov 29. mai 1981 nr. 38 om jakt og fangst av vilt § 9. § 4.Iverksetjing Denne forskrifta vert sett i verk ved kunngjering. Heimel: forskrift 26. april 2017 nr. 519 om forvaltning av bever § 2 og § 3, jf. lov 29. mai 1981 nr. 38 om jakt og fangst av vilt (viltloven) § 9.

Innstilling frå formannskapet vart vedteke 16 mot 1 stemme (BL).