Evaluering av bustadstøtte for unge etablerarar

Ål kommunestyre gir administrasjonen mandat til å bestille ein ekstern evaluering av ordninga med bustadstøtte for inntil kr 285.000,- eks mva, som inkluderer intervju med fem tilskotsmottakarar. Det skal veljast det tilbodet som er vurdert som det beste av ideas2evidence/Vista Analyse eller Telemarksforskning. Beløpet vert finansiert ved løyving frå disposisjonsfondet.

Kommunestyret har behandla sak 55/2026 i møte den 18.06.2026

Sissel Urke (V) innleia om saka.

Forslag Lene Prestegard (Ap) - Mindretalet si innstilling frå formannskapet; alternativ 3 i rådmannen si innstilling: Ål kommune vil ikkje engasjere ekstern bistand for å gjere evaluering av ordninga med bustadstøtte. Administrasjonen skal gjere dette med eigne ressursar.

Formanskapet si innstilling vart vedteke med 21 røyster ( 4Ap Ruud, Skalle, Frydenlund og Nilsen, 7H, 6Sp, 2 Frp, V og SV) mot framlegget frå Lene Prestegard (Ap) som fall med 4 røyster (4 Ap Bøygard, Prestegard, Grue og Buseth).