Retningsliner om leirskule og skuletur i skulen sin regi og eventuell "deltaking" av føresette

Kommunestyret vedtek «Retningsliner om leirskule og skuletur i skulen sin regi og eventuell «deltaking» av føresette» slik den ligg føre.

Retningsliner om leirskule og skuleturar i skulen sin regi og ev. «deltaking» av føresette I utgangspunktet drar elevar på leirskule og overnattingstur med lærarar og elevveileder. I svært spesielle tilfelle der skulen vurderer av helsemessige årsaker at føresett bør vere med på leirskule og skuleturar, gjeld følgande:

Det ligg føre skriftleg uttale frå spesialisthelsetenesta / fastlege som stadfestar at det er heilt nødvendig at føresett deltek, og at det ikkje er forsvarleg med berre elevveileder.

Dekking frå skulen:

Reise til og frå skuleområdet til turstaden. Overnatting knytt til leirskulen eller skuleturen.

Vilkår for føresett:

Føresett skal signere teieplikterklæring. Føresett har hovudansvar for sitt barn under heile turopphaldet. Det vil kunne bli gjort eigne avtalar mellom skule og føresett ut frå behov og type tur etter skulen sine vurderingar. Skulen dekkjer som hovudregel ikkje tapt arbeidsforteneste. Føresett må sjølv undersøke moglegheita for velferdspermisjon hos eigen arbeidsgjevar. Føresett kan søkje om hjelpestønad frå NAV: Hjelpestønad - nav.no.

Unntak:

I særskilde tilfelle der skulen har vurdert at det av helsemessige årsaker er naudsynt at føresett deltek, kan skulen dekkje kostnadar tilsvarande lønssats for assistent i ordinær skuletid. Dette blir vurdert individuelt i kvar einskild sak av skulen. Det må ligge føre dokumentasjon på at føresett har søkt både velferdspermisjon og hjelpestønad frå NAV, men har fått avslag.

Kommunestyret har behandla sak 12/2026 i møte den 19.02.2026

Ordførar Jørund Li (H) innleia om saka. Det kom ingen nye framlegg.

Formannskapet si i innstilling vart samrøystes vedtatt.