Handlings- og økonomiplan for 2026-2029 og årsbudsjett 2026

Ål kommunestyre vedtek handlings- og økonomiplan for 2026-2029 og årsbudsjett 2026 med slike hovudpunkt – tilvising til dokument kalla «Formannskapet sitt framlegg 08.12.25 (etter høyringsuttaler) :

1. Skatt:

a. Skatt på formue og inntekt for 2026 blir fastsett til dei maksimalsatsar som er vedteke av Stortinget.

b. Ål kommune skriv ut eigedomsskatt etter Eigedomsskattelova (Eskl.) §§ 2 og 3. Utskriving av eigedomsskatt følgjer Eskl. § 3, bokstav a.

c. Skatteøyret for næringseigedom blir sett til 7 ‰ med heimel i Ekskl. §§ 10 og 11, fyrste ledd.

d. Skatteøyret for bustad- og fritidseigedomar blir sett til 2 ‰ med heimel i Eskl. §§ 10 og 11, fyrste ledd.

e. Skatteøyret for det særskilde skattegrunnlaget er 7 ‰ i samsvar med overgangsreglane til Eskl. §§ 3 og 4, fyrste ledd, siste punktum.

f. Eigedomsskatten blir skrive ut i minst to terminar, maksimalt 6 terminar i samsvar med Eskl. § 25. Eigedomsskatten blir skrive ut saman med andre kommunale avgifter.

2. Driftsbudsjettet for 2026 blir vedteke i samsvar med skjema løyvingsoversikt drift §5- 4, første ledd – side 164-165. Driftsutgifter per tenesteområde – kr 594 035 000,-

3. Driftsbudsjettet – nettorammer – for 2026 blir vedteke i samsvar med fordeling – skjema løyvingsoversikt drift §5-4, andre ledd – side 165-166.

4. Investeringsbudsjettet blir vedteke i samsvar med løyvingsoversikt investering etter §5-5, første ledd side 166-167. Investeringsutgifter eigne investeringar – brutto kr 167 079 000,- Tilskot til andre sine investeringar kr 3 000 000,- Kjøp av aksjar – eigenkapitalinnskot KLP kr 1 581 000,- Netto investeringar (utgifter minus inntekter) kr 41 199 000,-

5. Investeringsbudsjettet pr. prosjekt blir vedteke i samsvar med oversikt løyvingsskjema § 5-5, andre ledd – side 167-169.

6. Investeringane blir finansiert ved overføring frå drift med kr 41 199 000,- og kr 68 550 000,- i låneopptak.

7. Rådmannen får fullmakt til å ta opp lån slik: (i kroner)

a. I Husbanken til vidareutlån (startlån) med kr 10.000.000,- med 35 års avdragstid.

b. Lån til egne investeringar kr 68.550.000,-, med 35 års avdragstid.

c. Lån til investeringar i Ål kyrkjelege fellesråd kr 3.000.000,- med 35 års avdragstid.

8. Formannskapet får delegert fullmakt til å løyve inntil kr 200.000 frå «Formannskapets pott» (i kroner).

9. Rådmannen får i samsvar med økonomireglementet og i samråd med formannskapet mynde til å disponere inntil kr 400.000.

10. Kommunen sine betalingsordningar, eigenbetaling, avgifter og gebyr blir vedteke i samsvar med satsar synt i gebyrliste på i Handlings- og økonomiplan 2026-2029 og årsbudsjett 2026.

11. Rådmannen får fullmakt til å fordele avsett beløp til lønsoppgjer ut til sektorane. Økonomiplanen sine år 2026-2029 blir retningsgjevande for vidare kommunal planlegging.

12. Kommunestyret ber administrasjonen lage eigen sak på å selge kommunale tomter til kr 1,-. Saka skal først i STNR.

13. Kommunestyret ber administrasjonen lage eigen sak til SUKO om ungdomsklubb. Lokalisering og drift.

14. Kommunestyret meine at Polenturen i 2026 skal gå som planlagt. Dei ber samstundes administrasjonen lage eigen sak på tolking av "gratisprinsippet" til SUKO

15. Kommunestyret ber om ein evaluering av etableringsstøtta så langt, både når det gjeld utgifter og forventa inntekter. Kommunestyret ber om å få saka tilbake seinast juni 2026.

16. Kommunestyret løyver kr. 1.200.000 frå disposisjonsfondet for å vidareføre kommunens tenester til personar med rusproblem i 2026.

Kommunestyret har behandla sak 133/2025 i møte den 18.12.2025

Rådmann Karsten Popp Dideriksen innleia om saka.

Behandlinga av saka starta med at gruppeleiarane for kvart parti hadde kvar si overordna innleiing. Dagfinn Bøygard for Arbeiderpartiet, Knut Einar Haug for Høgre, Ola Terje Oleivsgard for Senterpartiet, Liv Torunn Gullstein Torpe for Framstegspartiet, Marit Sehl for Sosialistisk Venstreparti og Sissel Urke for Venstre.

----------

Lene Prestegard (Ap) informerte om brev frå Statsforvaltaren om at tilskotsmidlar til personar med rusproblem som tidlegare var øyremerka midlar, no er gått inn i ramma som frie inntekter i kommunen. Dette betyr at for å oppretthalde denne tenesta i 2026 trengs det 1,2 mill.

Framlegg frå Lene Prestegard (Ap):

Kommunestyret løyver kr. 1.200.000 frå disposisjonsfondet for å vidareføre kommunens tenester til personar med rusproblem i 2026.

Solveig Løkensgard Arnegard (Sp) fremma mindretalsframlegget frå formannskapet om å vidareføre ordninga med etablerartilskot til unge. Ho gjorde framlegg om å sette av kr. 900.000,- til dette formålet i 2026.

Framlegg frå Hedvig Johanne Rud (Ap):

Kommunestyret ber om ein evaluering av etableringsstøtta så langt, både når det gjeld utgifter og forventa inntekter. Kommunestyret ber om å få saka tilbake seinast juni 2026.

Framlegget frå Hedvig Johanne Rud (Ap) vart samrøystes vedteke som verbalpunkt 15 i vedtaket. Framlegget frå Lene Prestegard (Ap) vart samrøystes vedteke som verbalpunkt 16 i vedtaket.

Framlegget frå Solveig Løkensgard Arnegard (Sp) fekk 6 røyster (6Sp) og fall.

Til slutt vart samla innstilling til handlings- og økonomiplan 2026-2029 og årsbudsjett 2026 samrøystes vedteke, med endringar som var tilrådde av fleirtalet i formannskapet/økonomiplanutvalet, og med framlegg som vart sette fram og fekk fleirtal under voteringa i kommunestyret.