Skattebøl skule frå skuleåret 2026/2027

1. Ål kommunestyre vedtek nedlegging av Skattebøl skule for å kunne drifte to barnehageavdelingar tilhøyrande Skattebøl banehage i skulelokala.

2. Ål kommunestyre ber om at ein ved tilpassing i forhold til barnehagedrift i lokala og uteområde skal legge vekt på fleksibilitet.

3. Ål kommunestyre ber om eiga sak når det gjeld kostander ift bygningsmessige tilpasningar ved godkjenning som barnehage.

Kommunestyret har behandla sak 128/2025 i møte den 18.12.2025

Framlegg frå Torhild Helling Bergaplass (H):

1. Ål kommunestyre vedtek nedlegging av Skattebøl skule for å kunne drifte to barnehageavdelingar tilhøyrande Skattebøl barnehage i skulelokala.

2. Ål kommunestyre ber om at ombygging / tilpassing i forhold til barnehagedrift i lokala og uteområde skal vektlegge fleksibilitet, slik at ein med små grep kan ta opp igjen skuledrift her.

3. Ål kommunestyre ber om eiga sak når det gjeld kostnader i forhold til bygningsmessige tilpasningar ved godkjenning som barnehage.

Framlegg frå Marit Sehl (SV):

Ål kommunestyre vedtek nedlegging av Skattebøl skule for å kunne drifte to barnehageavdelingar tilhøyrande Skattebøl barnehage i skulelokala.

Bjørg Torsteinsrud (Sp) og Lene Prestegard (Ap) fremma begge følgjande mindretalsframlegg frå formannskapet:

1. Ål kommunestyre vedtek nedlegging av Skattebøl skule for å kunne drifte to barnehageavdelingar tilhøyrande Skattebøl barnehage i skulelokala.

2. Ål kommunestyre ber om at ein ved tilpassing i forhold til barnehagedrift i lokala og uteområde skal legge vekt på fleksibilitet.

3. Ål kommunestyre ber om eiga sak når det gjeld kostander i bygningsmessige tilpasningar ved godkjenning som barnehage.

Framlegg frå Liv Torunn Gullstein Torpe (Frp) til punkt 1:

1. Ål kommunestyre vedtek omdisponering av Skattebøl skule for å kunne drifte to barnehageavdelingar tilhøyrande Skattebøl barnehage i skulelokala. --------- Det vart halde gruppemøte etter ønske frå Torhild Helling Bergaplass (H):

Etter gruppemøte trekte Torhild Helling Bergaplass (H) sitt framlegg, og varsla at Høgre vil gå inn for mindretalsframlegget frå formannskapet. ---------- I tilegg til dei framsette forslaga låg det føre følgjande punkt 3 og 4 frå formannskapet si innstilling:

3. Ål kommunestyre ber administrasjonen sjå på korleis ein kan restarta Skattebøl skule.

4. Ål kommunestyre ber administrasjonen sjå på kva som krevst for å opprette fleire barnehageplassar ved Sando barnehage.

Det vart røysta punktvis. Det vart ikkje røysta over punkt 1 i formannskapet si innstilling.

Punkt 1:

Framlegget frå Liv Torunn Gullstein Torpe (Frp) fekk 2 røyster (2Frp) og fall mot 23 røyster for mindretalsframlegget i formannskapet.

Det vart røysta over om punkt 2 skal inn i vedtaket. Det vart gitt 1 røyst (1SV) for at det ikkje skal vera eit punkt 2 i vedtaket.

Punkt 2:

Mindretalsframlegget i formannskapet vart vedteke med 24 mot 1 røyst (1SV)

Punkt 3:

Mindretalsframlegget i formannskapet vart vedteke med 24 mot 1 røyst (1SV)

Punkt 3 i innstillinga frå formannskapet fekk 2 røyster (2Frp) og fall mot 23 røyster.

Punkt 4 i innstillinga frå formannskapet fekk ingen røyster og fall.