Vedtak - Kommuneplanens arealdel for Ål 2023-2035 Bustad og næring, planID 2020002

Kommunestyret er kjent med bakgrunnen for, og innhaldet av, meklingsmøtet 26. august 2025, og at Statens vegvesen trekkjer sine motsegner til planforslaget under visse føresetnader. Vidare er kommunestyret kjent med at Statsforvaltaren i Østfold, Buskerud, Oslo og Akershus vidarefører motsegnene til spreidde hytter i LNF 2B og utviding av hytter i LNF 2A til revisjonen av Kommuneplanens arealdel for fritidsbustader. Med bakgrunn i dette vedtek kommunestyret, i medhald av plan- og bygningslovas § 11-15 Kommuneplanens arealdel for Ål 2023 – 2035 Bustad og næring, planID 2020002, med følgjande endringar:

Plankart:

ABA50 og NÆ50 ved Torpo Ny åtkomst og åtkomstveg, samt sanering og samlokalisering og prinsipp for lokalisering av åtkomstar må visast med raudt prikksymbol (kryss/åtkomst) og raudt streksymbol. Faresoner skred oLeggje inn faresonene skred [310_4, 5 og 6] for områda Kulufossen, Vestlia og delar av Oppsjø, Liagardane og Torpo. oLeggje inn faresone for Sehl under kategorien H320_2 i plankartet. Planføresegner:

Rekkjefølgjekrav ABA50 og NÆ50 ved Torpo Åtkomst til NÆ50 og ABA50 etablerast som fullkanaliserte T-kryss. Åtkomstane kan etablerast kvar for seg, men samla som eit fullkanalisert forskjøvet T-kryss. Åtkomst til kvart av områda skal vere etablert før områda blir tatt i bruk. Flytting av åtkomst, sanering av åtkomstar og driftsåtkomstar på riksvegstrekninga skal gjennomførast samstundes som etablering av dei nye kryssa.

Rekkjefølgjekrav NÆ03-NÆ06 i Kleivi Før områda NÆ03-NÆ06 kan tas i bruk, må krysset med riksveg 7 utbetrast til eit fullkanalisert kryss i tråd med krav i vegnormalane.

Vegen mellom S1 og V2 i Reguleringsplan Kleivi Næringspark, planID 2006020, forblir fysisk stengt.

 Detaljregulering for Kulu steinuttak (planID 2010008) vert lagt inn i lista i § 4.1 -

Reguleringsplanar som skal gjelde framfor kommuneplanen i planføresegnene. Seinare gjere ein mindre endring av KPA etter pbl § 11-17, og få detaljreguleringsplanen inn i plankartet.

Farekartleggingar Tre nye ledd i planføresegn 3.1.1 for Skredfarekartlegging:

I omsynssone faresone skred [310_4] Kulufossen, Vestlia og delar av Oppsjø, er det gjennomført skredvurderingar og faresoner er definert. Ved gjennomføring av tiltak skal dei plasserast slik at krava til tryggleik i kap. 7 i TEK er ivareteke. Unntak er vanleg vedlikehald og ombygging /rehabilitering for å trygge at funksjonalitet vert ivareteke, jf. PBL § 31-2. Rapport 23520-01-2 utarbeidd av Skred AS datert 04.07.2024 viser faresoner for sikkerheitsklasse S1 (≥1/100), S2 (≥1/1000) og S3 (≥1/5000). Det er utført vurderingar både for dagens vegetasjonsforhold og for ein situasjon der hogstutsett skog er føresett fjernet.

I omsynssone faresone skred [310_5] Liagardane, er det gjennomført skredvurderingar og faresoner er definert. Ved gjennomføring av tiltak skal dei plasserast slik at krava til tryggleik i kap. 7 i TEK er ivareteke. Unntak er vanleg vedlikehald og ombygging/rehabilitering for å trygge at funksjonalitet vert ivareteke, jf. PBL § 31-2. Rapport 23521-01-3 utarbeidd av Skred AS datert 19.09.2024 viser faresoner for sikkerheitsklasse S1 (≥1/100), S2 (≥1/1000) og S3 (≥1/5000). Det er utført vurderingar både for dagens vegetasjonsforhald og for ein situasjon der hogstutsett skog er føresett fjernet.

I omsynssone faresone skred [310_6] Torpo, er det gjennomført skredvurderingar og faresoner er definert. Ved gjennomføring av tiltak skal dei plasserast slik at krava til tryggleik i kap. 7 i TEK er ivareteke. Unntak er vanleg vedlikehald og ombygging/rehabilitering for å trygge at funksjonalitet vert ivareteke, jf. PBL § 31-2. Rapport 24625-01-2 utarbeidd av Skred AS datert 30.04.2025 viser faresoner for sikkerheitsklasse S1 (≥1/100), S2 (≥1/1000) og S3 (≥1/5000). Det er utført vurderingar både for dagens vegetasjonsforhald og for ein situasjon der hogstutsett skog er føresett fjernet.

Ål kommune vedtek at motsegna frå Statsforvaltaren i Østfold, Buskerud, Oslo og Akershus til planføresegn § 2.4.5.2 og § 2.4.5.5 ikkje er løyst og skal handsamast i samband med revidering av arealdelen av kommuneplanen for fritidsbustader.

Kommunestyret har behandla sak 83/2025 i møte den 16.10.2025

Kommunalsjef drift og utvikling Torfinn Slåtto innleia om saka.

Framlegg frå Tor Olav Tveito (H):

Detaljregulering for Kulu steinuttak (planID 2010008) vert lagt inn i lista i § 4.1 - Reguleringsplanar som skal gjelde framfor kommuneplanen i planføresegnene. Seinare gjere ein mindre endring av KPA etter pbl § 11-17, og få detaljreguleringsplanen inn i plankartet.

Erlend Medgard (H) stilte spørsmål om sin habilitet, då hans bror er involvert i Kulu steinuttak. Han vart med heimel i Forvaltningslova § 6b samrøystes kjent inhabil og gjekk frå ved behandling av saka. Varamedlem Kolbjørn Opheimsjorde (H) tok plass i hans stad. 25 av 25 medlemmer behandla saka.

--------------- Framlegg frå Knut Einar Haug (H) gjeldande § 3.3.3 i planføresegnene:

Ta ut setninga "Tamreindrift iannanfor planområdet er ikkje tillate".

Knut Einar Haug trekte dette framlegget etter opplysningar frå administrasjonen om at punktet høyrer inn under fjellområda, og ikkje under næring og bustad som er til behandling i denne saka. -------------

Rådmannen si innstilling med tillegg av framlegget frå Tor Olav Tveito (H) vart samrøystes vedteke.