Økonomi i prosjekta "Sikringstiltak og ny bru - Kvinda" og "Parkeringsområde og droppsone Ål idrettshall"

1.Kommunestyret tek informasjon om økonomien i prosjektet «Sikringstiltak og ny bru – Kvinda» til orientering. 2.Kommunestyret tek informasjon om økonomien i prosjektet «Parkeringssone og droppsone Ål idrettshall» til orientering. Det vert løyvd kr 3 millionar ekstra for å fullfinansiere prosjektet, og beløpet vert finansiert ved låneopptak. 3.Kommunestyret løyver kr 1,1 mill. til asfaltering av parkeringsområde ved idrettshallen og vegen Kroken. Beløpet vert henta frå disposisjonsfondet. 4.Kommunestyret løyver kr 1,0 mill. til asfaltering av Sundrevegen frå Kvinda bru til Stavegrove. Beløpet vert henta frå disposisjonsfondet.

Kommunestyret har behandla sak 63/2025 i møte den 28.08.2025

Ordførar Solveig Vestenfor (Ap) innleia om saka.

Solveig Løkensgard Arnegard (Sp) fremma mindretalsframlegget frå formannskapet om å ta ut punkt 3 i innstillinga.

Framlegget frå Solveig Løkensgard Arnegard (Sp) fekk 3 røyster (2Sp S.Løkensgard Arnegard, B.Torsteinsrud og 1H E.Medgard), og framlegget fall mot 22 røyster for formannskapet si innstilling til punkt 3 (8Ap, 1SV, 1V, 2Frp, 4Sp O.T.Oleivsgard, I.Brevik, T.Arnegard, A.Lunden Herfoss og 6H J.Li, K.E.Haug, T.O.Tveito, K.Opheimsjorde, G.Fingarsen, E.Nedrestøl).

Punkt 1, 2 og 4 i formannskapet si innstilling vart samrøystes vedteke.