Oppfølging etter strategikonferanse STNR 2025 - Handlingsprogram for kommunal bustadutvikling

Kommunestyret ber administrasjonen utarbeide eit handlingsprogram for bustadutvikling i Ål kommune for dei komande åra, med strategiar og tiltak for å sikre at det vert bygd nok bustader som møter befolkninga sine behov både når det gjeld kvantitet og kvalitet. Målet er at handlingsprogrammet skal legast fram for kommunestyret våren 2026 med tiltak innarbeidd i økonomiplan 2027-2030. STNR blir styringsgruppe for prosjektet.

Kommunestyret har behandla sak 54/2025 i møte den 12.06.2025

Torhild Helling Bergaplass (H) innleia om saka.

Framlegg frå Dagfinn Bøygard (Ap):

Framlegget frå formannskapet om at STNR skal væra arbeidsgruppe vert endra til styringsgruppe.

Innstillinga frå formannskapet vart samrøystes vedteke, med endringsframlegget frå Dagfinn Bøygard (Ap).