Tiltak etter Hans - Sentrum-Øvre Ål - Nedre del av Hellinggrove og Stavegrove - Deling av kostnadar og godkjenning av anbod

Dersom NVE dekker 80% er det kolonne 1 og summane der som gjeld. Dersom NVE dekker 90% er det kolonne 2 og summane der som gjeld. Ål kommunestyre forventar at resterande 20% / 10% skal dekkast slik tabellen viser:

Dersom NVE dekker 80% av kostnadane i bekkeløpa vil den kostnaden dei 25 grunneigarane skal dekke vere på 1,95 mill. Dette gir ein kostnad på 78 000 kr pr. grunneigar (eks mva), 97 500 kr inkl. mva. Dersom NVE dekker 90% av kostnadane, vil det være 1, 031 mill. som grunneigarane skal dele. Det gir eit beløp på 41 237kr pr grunneigar (eks mva), 51 546 kr inkl. mva.

Kommunestyret har behandla sak 15/2025 i møte den 20.02.2025

Som grunneigar i området, gjekk Dagfinn Bøygard (Ap) frå som inhabil med heimel i Forvaltningslova §6 a. Aslak Bøygard (Ap) gjekk frå som inhabil med heimel i Forvaltningslova §6 b. 23 av 25 representantar behandla saka.

Leiar i sektorutval for teknisk, næring og ressurs, Torhild Helling Bergaplass (H) innleia om saka.

Det var ingen nye framlegg.

Innstillinga frå formannskapet vart samrøystes vedteke med 23 røyster.