Vedtak - Reguleringsendring for del av detaljreguleringsplan Leikvollstølen - Torpoåsen planID 2009001

Ål kommunestyre vedtek med heimel i plan- og bygningslovas §§ 12-12 og 12-14 Reguleringsendring for del av Detaljreguleringsplan Leikvollstølen - Torpoåsen planID 200900, med tilhøyrande føresegner og utbyggingsavtale, og med dei endringsforslag som fekk fleirtal i sektorutval for teknisk, næring og ressurs i møte 21.01.2025.

Kommunestyret har behandla sak 19/2025 i møte den 20.02.2025

Medlem av sektorutval for teknisk, næring og ressurs, Ivar Brevik innleia om saka.

Torhild Helling Bergaplass (H) fremma følgjande mindretalsframlegg i sektorutval for teknisk, næring og ressurs:

Vindusareal skal ikkje utgjere meir enn 30% av total fasade sitt veggareal.

Framlegget frå Torhild Helling Bergaplass (H) fekk 8 røyster (7H, 1Frp Haug) og fall. Framlegget til detaljreguleringsplan for Leikvollstølen planID 200900 vart elles samrøystes vedteke.