Nye, omfattande og komplekse behov for tenester frå januar 2024 - oppvekstsektoren

1.Ål kommunestyre løyver inntil kr. 6 mill. frå disposisjonsfondet i 2024 for å dekke behov for 1:1-tiltak og bruk av eksterne firma for å dekke opp for nye, omfattande og komplekse behov innan oppvekstsektoren. 2.Ål kommunestyre ber administrasjonen arbeide vidare med betre samhandling på systemnivå mellom helsesektor og oppvekstsektor, spesielt ift samansette og omfattande behov hos barn og unge. 3.Ål kommunestyre ber administrasjonen utarbeide framlegg til alternativ organisering innan oppvekstsektoren for å kunne løyse aukande behov for tenester ift omfattande og komplekse behov hos barn og unge.

4. Ål kommunestyre ber administrasjonen evaluere igangsette tiltak og utarbeide forebyggande tiltak ift nye og komplekse behov. Tiltaka skal vera målretta, evaluerbare og ha ei tidsramme.

5. Ål kommunestyre ber administrasjonen innarbeide behov i budsjett 2025.

Kommunestyret har behandla sak 75/2024 i møte den 19.09.2024

Kommunalsjef for oppvekst Sissel Skrindo innleia om saka.

Framlegg frå Ingunn Solberg Skalle (Ap) til nytt punkt 4 i formannskapet si innstilling:

Ål kommunestyre ber administrasjonen utarbeide ein analyse av årsakene til nye, omfattande og komplekse behov i oppvekstsektoren. Det skal lagast ein strategiplan for å utarbeide ei alternativ organisering for å kunne løyse aukande behov for tenester ift. omfattande og komplekse behov hos barn og unge.

Framlegg frå Sissel Urke (V) om tillegg til punkt 4 i formannskapet si innstilling:

Tiltaka skal vera målretta, evaluerbare og ha ei tidsramme.

Det vart halde gruppemøter etter ønske frå Knut Einar Haug (H). Etter gruppemøte trekte Ingunn Solberg Skalle (Ap) sitt framlegg.

Framlegget frå Sissel Urke (V) om tillegg til punkt 4 vart samrøystes vedteke som tillegg til formannskapet si innstilling.