Parkering ved Torpo kyrkje

Ål kommunestyre løyver kr 130.000,- frå disposisjonsfond til nytt gjerde langs kyrkjegarden på Torpo.

Kommunestyret har behandla sak 69/2024 i møte den 15.08.2024

Fungerande rådmann Reidun Aaker orienterte om følgjande:

Ål Kyrkjelege fellesråd (ÅKF) har i e-post til kommunen 14. august kome med ønske om å få løyvd kr 130.000 til gjerde langs delar av kyrkjegarden i staden for HC-parkering vest for Torpo kyrkjegard, slik fleirtalet i formannskapet tilrår i sak 60/24. Grunngjeving for omprioriteringa er at opparbeiding av HC-parkering ligg inne budsjettframlegget som fellesrådet arbeider med og som skal til politisk behandling i Ål seinare i haust.

Framlegg frå Liv Torunn Gullstein Torpe (Frp):

Ål kommunestyre løyver kr 130.000,- frå disposisjonsfond til nytt gjerde langs kyrkjegarden på Torpo.

Lirigzona Berisha (Ap) forlet møtet under behandling av saka, og saka vart behandla ferdig med 24 av 25 representantar.

Det vart halde gruppemøter etter forslag frå Dagfinn Bøygard (Ap).

Framlegget frå Liv Torunn Gullstein Torpe (Frp) vart samrøystes vedteke med 24 røyster.