Prioritering av sikringstiltak etter "Hans"

Kommunestyret vedtek at søknad og arbeid med sikringstiltak vil bli prioritert på fylgjande måte:

Prioriteringar uavhengig av område vil vere slik:

1.risiko for liv og helse 2.der sikringstiltaka dekker mange bustadar, institusjonar, offentlege bygg og infrastruktur

Sikringstiltak innan skredområde:

1.Bustadar innan sikkerheitsklasse 1 2.Bustadar innan sikkerheitsklasse 2

Der NVE går inn med 80% tilskot, skal fordelinga av kostnadane knytt til distriktsandelen i dei ulike områda, koma i eigne saker seinare. I alle slike tilfelle vil Ål kommune dekke prosjektleiing og kommunal administrasjon.

Prioriteringar innan dei ulike områda:

1.Kvinda

2.Sentrumsområdet

3.Breie/Thune/Noss 4.Vestlia

5.Liagardane

6. Svarteberg

Kommunestyret ber om at administrasjonen oppdaterer evakueringsplanane for dei utsette områda.

Kommunestyret har behandla sak 36/2024 i møte den 16.05.2024

Saksordførar Marit Sehl (SV).

Avdelingsleiar for utvikling Svein Furuhaug informerte.

Ordførar Solveig Vestenfor (Ap) gjorde slike framlegg til endringar i formannskapet si innstilling:

• Under punktet Sikringstiltak innan skredområde: Ta ut "her må politikarane hjelpe administrasjonen å prioritere"

• Ta ut vurderingane under kvart prioritert område.

• Nytt punkt:

Kommunestyret ber om at administrasjonen oppdaterer evakueringsplanane for dei utsette områda.

Marit Sehl (SV) ber om ei klarare formulering av denne setninga i formannskapet si innstilling:

I desse tilfella vil Ål kommune dekke prosjektleiing og kommunal administrasjon. Ordførar Solveig Vestenfor (Ap) foreslo å endre til slik ordlyd:

I alle slike tilfelle vil Ål kommune dekke prosjektering og kommunal administrasjon.

Innstillinga frå formannskapet vart samrøystes vedteken med ordførar Solveig Vestenfor (Ap) sine forslag til endringar.