Finansiering av parkeringsområde og droppsone ved Ål idrettshall og ny atkomst til avdeling miljøterapi

Ål kommunestyre godkjenner ei løyving på inntil 7 mill kr slik at overskotsmassar frå Kvinda vert nytta til å lage om lag 50 nye P-plassar, droppsone for Nedre-Ål skule/Ål ungdomsskule og ny atkomstveg til bustadene i Kroken og til avdeling miljøterapi. Samstundes vert det tilrettelagt forbetra sløkkevassforsyning i området. Løyvinga vert lånefinansiert.

Kommunestyret har behandla sak 9/2024 i møte den 15.02.2024

Saksordførar Marit Sehl (SV).

Knut Einar Haug (H) fremma følgjande mindretalsframlegg frå formannskapet:

Løyvinga vert teke frå disposisjonsfondet.

Framlegget frå Knut Einar Haug (H) fekk 6 røyster og fall mot 19 røyster for fleirtalsinnstillinga i formannskapet om lånefinansiering. (2Frp og 4H (Knut Einar Haug, Erlend Medgard, Espen Karlsen, Gudveig Fingarsen) røysta for framlegget frå Haug) (8Ap, 1SV, 6Sp, 1V og 3H (Jørund Li, Tor Olav Tveito, Torhild Helling Bergaplass) røysta for formannskapet si innstilling)

Innstillinga frå formannskapet vart elles samrøystes vedteken.