KS Debatthefte 2024 - Rom for gode tenester

Ål kommune har drøfta KS debatthefte og gir følgande innspel:

1.Kva løns- og arbeidsvilkår er viktig å ivareta og/eller prioritere ved hovudtariffoppgjeret 2024?:

Arbeidstakarane må sikrast ei reallønsauke i 2024. Innføring av eit ekstra ansiennitetsløft (rekrutteringstiltak) i kapittel 4 mellom 10 og 16 år, dvs. eit opprykk etter til dømes 13 års teneste. Dette er ei gruppe som er etablert og som ikkje oppnår vidare ansiennitetsløft i tidsrommet mellom 10 – 16 år teneste. Vurdere ekstra løft i forhold til arbeidstakergrupper som er kravande å rekruttere.

2.Bør KS ha mål om at Hovudtariffavtalen gir kommunen/fylkeskommunen større handlingsrom for eigen lønspolitikk?

Handlingsrommet for eigen lønspolitikk bør være slik som det er i dag. Det bør leggast til rette for at HTA kapittel 4 der det er store rekrutteringsutfordringar, ikkje vert liggande etter kapittel 5-gruppene i forhold til liknande kompetansestillingar. 3.Kva bør KS gjere for å skaffe kommunen/fylkeskommunen større handlingsrom for å etablere og fastsette arbeidstidsordningar som aukar heiltidsandelen?

Kommunane bør få større handlingsrom og fleksibilitet for å tilpasse ulike arbeidstidsordningar etter avtale med lokale organisasjonar. Tilsetting i 100%-stillingar bør være ein hovudregel. Det bør bli enklare å legge til rette for moglegheiter for lengre vakter for dei som ønskjer det, td. 12 ½ t. vakter i helg med arbeid kvar fjerde helg. Ein bør ha moglegheit for å tilrettelegging for andre turnus- og arbeidstidsordningar som gjer at ein beheld dei tilsette.

Kommunestyret har behandla sak 3/2024 i møte den 18.01.2024

Ordførar Solveig Vestenfor (Ap) innleia om saka.

HR-sjef Trond Augunset orienterte om status og tidslinje for arbeidet med personal og lønspolitikk i kommunen.

Framlegg frå Solveig Løkensgard Arnegard (Sp) til slike endringar i punkt 3 i formannskapet si innstilling:

a) Endre ordet organisasjonar i første setning til fagorganisasjonar.

b) Erstatte andre setning slik: Arbeidstakarane bør få tilbod om den stillingsstorleiken kvar einskild ynskjer.

c) Ordlyd for resten av punktet:

Det bør bli enklare å legge til rette for moglegheiter for andre vaktordningar for dei som ønskjer det, td. langvakter og samla arbeids- og friperiodar. Ein bør ha større moglegheit for å tilpasse turnus- og

arbeidstidsordningar med mål om å behalde dei tilsette og få fleire tilsette i høgare stillingsprosent.

Punkt 1 og 2 i formannskapet si innstilling vart samrøystes vedtekne.

Votering over framlegget frå Solveig Løkensgard Arnegard (Sp) til endringar i punkt 3:

a) Framlegget fekk 7 røyster (6Sp, 1SV) og fall mot 18 røyster for formannskapet si innstilling.

b) Framlegget fekk 5 røyster (5Sp) og fall mot 20 røyster for formannskapet si innstilling. (Ola Terje Oleivsgard (Sp) røysta mot).

c) Framlegget fekk 8 røyster (5Sp, 1V, 2Ap) og fall mot 17 røyster for formannskapet si innstilling. (Ola Terje Oleivsgard (Sp) røysta mot, Solveig Vestenfor (Ap) og Anne Kari Kind (Ap) røysta for)