Handlingsprogram og økonomiplan 2026-2029, årsbudsjett 2026

1. Handlingsprogram 2026 — 2029 vert vedteke med dei mål og premissar som går fram av handlingsprogramdokumentet. Kommunestyret vedtek driftsbudsjett for 2026 i samsvar med skjema “Løyvingsoversikt drift etter § 5-4 første ledd», som syner ei samla løyving på kr 446 439 045. Løyvinga vert fordelt mellom sektorane jf. Skjema “Løyvingsoversikt drift etter § 5-4 andre ledd”.

2. Kommunestyret vedtek investeringsbudsjettet i samsvar med skjema “Løyvingsoversikt investering etter 5-5 første ledd", som syner ei samla løyving på kr 189 727 365.

3. Årsbudsjett 2026 vert vedteke med følgjande hovudpunkt:

A. Skatt på inntekt og formue blir likna ut i samsvar med dei maksimalsatsar Stortinget vedtek.

B. For eigedomsskatteåret 2026 skal det skrivast ut eigedomsskatt i heile kommunen, jf. Eigedomsskattelova (esktl.) §§ 2 og 3 første ledd bokstav a.

1. For næringseigedomar, kraftverk, vindkraftverk, kraftnettet og anlegg omfatta av særskattereglane for petroleum blir skattesatsen fastsett til 7 0/00 — 7 promille — av takst for eigedomsskatt, med heimel i esktl. §§ 10 — 12.

2. Med heimel i esktl.§ 12 a) blir eigedomsskatten fastsett til 2 0/00 — 2 promille — av takst for eigedomskatt for bustaddelen i eigedomar med sjølvstendige bustaddelar. Med dette meinast bustader for fast busetting og på tomter for fast busetting, fritidsbustader, og dessutan bustadhus på landbrukseigedomar.

3. Takstvedtekter for eigedomsskatt i Gol kommune er vedteke av sakkunnig takstnemnd.

4. Utskriving av eigedomsskatt for skatteåret 2026 er basert på takstar fastsett ved siste alminnelege taksering gjennomført i år 2020.

5. Klage over takstvedtaket og klage over utskrivingsvedtaket vert etter esktl. § 20 avgjort av ei sakkunnig klagenemnd.

6. Med heimel i esktl. §7 fritek kommunestyret eigedomar for eigedomsskatt i retningsliner som er vedteke av sakkunnig nemnd.

7. Eigedomsskatten blir skrive ut i 2 terminar, jf. esktl. § 25 første ledd. Terminforfall er sett til 1. april og 15. september.

4. Gebyrreglement, avgifter og satsar for betaling av kommunale tenester. Dersom ikkje anna er fastsett i eigne reglementet, fastsett kommunestyret nye pris- og gebyrsatsar slik desse framkommer i «Gebyrliste» i Framsikt, nye pris/gebyr gjeld frå 01.01.2026, eller slik nye prisar er vist i dokumentet. Kommunedirektøren får fullmakt til å redigere Gol kommune sitt pris- og gebyrreglement i tråd med vedtekne satsar.

5. Det vert opna for at betaling av kommunale avgifter og eigedomsskatt kan betalast i inntil 12 terminar etter søknad.

6. Det vert sett av til disposisjonsfondet i økonomiplanperioden med kr 7 393 345.

7. Gol kommune yter kr 5 713 000 i driftstilskot til Gol og Herad sokneråd for 2026.

8. Kommunestyret godkjenner ei låneramme for 2026 på inntil 115 182 892 kr for å finansiere netto løyvingar til nye investeringar. Det visast til vedlagte budsjettdokument slik desse er presentert i Framsikt. Lånet takast opp ved behov i løpet av året i samsvar med framdrift på investeringsprosjekta. Kommunedirektøren får fullmakt til å gjennomføre låneopptak og godkjenne lånevilkår innanfor nemnde låneramme.

9. Startlån: Gol kommune tek ikkje opp lån til vidare utlån i 2026.

10. Godtgjersle til folkevalde for 2026. Fastsettast i samsvar med forskrift om folkevalde sine rettar til godtgjersle og velferdsgodar i Gol kommune vedteke 24.03.2020.

11. Tilskot til politiske parti og grupper som er representert i kommunestyret. For 2026 tildelast det kr. 1.000,- i grunntilskot og kr 2.000 pr. representant.

12. Kommunedirektøren får fullmakt til å overføre restbeløp på ikkje avslutta investeringsprosjekt til budsjett 2026, dette inkluderer også vedteken finansiering.

Kommunestyret har behandla sak 50/2025 i møte den 09.12.2025

Saksordfører: Christian Ihlen Brunborg. Desse hadde ordet: Kristin Bakke Haugen (SP), Tom Rune Skredderberget Blakkestad (H), Martha Nistad (AP), Christian Ihlen Brunborg (AP), Tom Rune Skredderberget Blakkestad (H), Jan Kattenberg (V), Asle Berg Bråtalien (SP), Jan Kattenberg (V), Christian Ihlen Brunborg (AP), økonomisjef Kaja Bruaas som svara på spørsmål, Asle Berg Bråtalien (SP). Det vart helde gruppemøte. Etter gruppemøtet hadde Asle Berg Bråtalien (SP) og Kristin Bakke Haugen (SP) ordet.

Nye framlegg til endringar i budsjettet:

1. Midlar knytt til prosjektet på ODA var ikkje lagt inn i budsjettet.

Prosjektkostnad og finansiering av ODA Kostnad

Bruttokostnad 24,8 millionar

Finansiering

Tilskot frå Husbanken 13,64 millionar

Mva kompensasjon 4,96 millionar

Låneopptak 6,2 millionar

Netto kostnad etter tilskot vert 11,16 millionar. Mva kompensasjon og låneopptak finansierer resterande beløp.

2. Framlegg frå administrasjonen: Festeavgift for kyrkja vert sett til 225 kr for 2026.

3. Administrasjonen opplyser at det er dei gamle gebyrsatsane for barnehageplass som ligg i budsjettet. Satsane rettast. Oppdaterte gebyr for barnehageplass vert lagt inn i gebyrlista for 2026.

Gebyr* Eining Sats 2025 Sats 2026

3 dagar pr. veke Opphald pr. månad 1300 600

4 dagar pr. veke Opphald pr. månad 1400 650

5 dagar pr. veke Opphald pr. månad 1500 700

4. Administrasjonen og politisk leiing har fått innspel på at det i tekstdelen til helseavdelinga er skrive fylgjande kring legevakt:

For å rekruttere legar er det også viktig at legevaktordninga er god og kjennast overkommeleg. Gol har i dag flere med vaktfritak pga alder og helse, det øker belastningen på de andre som går i vakt. Dei fleste legane ynskjer no ikkje lenger heimevakt, men til stades-vakt med fast løn og medhjelpar. Dette krev at fleire kommunar går saman, og i første omgang ynskjer Gol eit samarbeid med Nesbyen og Hemsedal fast lokalisert på Gol. Under budsjettkonferansa til Gol kommune på Oset tok kommunestyret ein diskusjon om kva for retning ein skal gå ifm framtidig legevaktsordning. Eit absolutt fleirtal gav signal om at Gol skal være med i den regionale utredningen av felles legevakt i Hallingdal som pågår no. Administrasjonen foreslår ny tekst i tråd med signalet som vart sendt under årets budsjettkonferanse:

Gol har tatt initiativ til og er med i den regionale utredningen av felles legevakt som pågår mellom Hallingdalskommunane frå september 2025 til våren 2026. Gol Høyre foreslår:

5. Kutte tidlegare verbalpunkt om Hallinghelse – kommunepsykolog med følgende:

NYTT: Kr 350.000,- til kommunepsykolog legges inn i budsjettet. Inndekning fra ekstra overføring ihht vedtatt statsbudsjett. STRYKE: Verbalpunkt knytt til Hallinghelse – stilling som kommunepsykolog Gol kommune visar til tidlegare bevillgningar til Hallinghelse og ber om at nytt tiltak om kommunepsykolog skal finnast innanfor eigen ramme. Gol kommune visar til at Hallinghelse tidlegare har fått til oppgåve å løyse lovkravet om kommunepsykolog for medlemskommunane.

6. Nytt Verbalpunkt:

Kommunestyret ber om sak i første møte der budsjettdirektiv for IKS og samarbeid etter vertskapskommunemodellen blir diskutert. Gol Senterparti foreslår:

7. Å flytte post for PCer til elever på 600 000,- fra investeringsbudsjett til driftsbudsjett.

Det vart fyrst votert over kvart forslag separat. Forslag 1: Samrøystes vedteke. Forslag 2: Samrøystes vedteke. Forslag 3: Samrøystes vedteke. Forslag 4: Samrøystes vedteke. Forslag 5: Samrøystes vedteke. Forslag 6: Samrøystes vedteke. Forslag 7: Samrøystes vedteke. Dei vedtekne forslaga innarbeidast i det endelege budsjettvedtaket. Det vart deretter votert punktvis over den opprinnelege budsjettinnstillinga. Samrøystes vedteke. Til slutt var det votert over budsjettet som heilskap. Samrøystes vedteke.