Økonomirapport - 2. tertial 2025

1. Kommunestyret tek budsjettkontrollrapporten for 2. tertial 2025 til orientering.

2. Kommunestyret godkjenner endringar i driftsbudsjett jf. tabell “samla forslag til budsjettjusteringar” under økonomiske konsekvensar.

3. Kommunestyret godkjenner endringar i investeringsbudsjett jf. tabell “samla forslag til budsjettjusteringar” under økonomiske konsekvensar.

4. Jf. Vedtak PS 26/25 - innkjøp av legevaktsbil vedtek kommunestyret finansiering av auka ramme med inntil 450 000 ved bruk av lån. Kommunedirektøren får fullmakt til å gjennomføre låneopptak og godkjenne lånevilkår innanfor nemnde låneramme.

5. Kommunestyret vedtek endring i finansiering i investeringsbudsjettet til bruk av ubundne investeringsfond for å dekke faktura til eigenkapitaltilskot frå KLP med kr 1 456 000. Bruk av lån vert redusert tilsvarande.

6. Kommunestyret vedtek at prosjekt 1584 Stadutvikling ikkje vert vidareført frå 2024 til 2025.

7. Budsjettet til kyrkja blir revidert ved at det blir lagt inn ekstra løyving på kr. 369 000. Beløpet blir innarbeidd i tabell «samla forslag til budsjettjusteringar». Finansieres ved reduksjon i avsetning til disposisjonsfond.

Kommunestyret har behandla sak 39/2025 i møte den 07.10.2025

Saksordførar: Christian Ihlen Brunborg. Desse hadde ordet: Asle Berg Bråtalien (SP), økonomisjef Kaja Bruaas og Kari Anita Brenna (SP).

Samrøystes vedteke.