Detaljregulering for Gol barnehage og avlastning - 2.gongs handsaming og eigengodkjenning

Gol kommunestyre vedtek med heimel i plan- og bygningslova § 12-12 detaljregulering for Gol barnehage og avlastning med følgjande endringar:

Plankart:

• Område innanfor faresone flaum endrast frå byggeføremål til grøntområde.

Føresegner:

• Maksimal BYA skal gjerast om slik at den passar planlagd utbygging og ny storleik på byggeområdet, jamfør endring i plankart frå byggeområde til grønt i flaumsone.

• Følgjande rekkefølgekrav leggjast inn: «Før rammeløyve blir gjeven skal det dokumenterast at det er tilstrekkeleg kapasitet til å handtere forventa mengde avløpsvatn».

• Føreslåtte tiltak knytta til overvatn frå VA-plan leggjast inn i føresegner.

• Grøntføremål leggjast inn, og det skal vere tillatt med enkle installasjonar knytta til leik, skjøtsel osv, jamfør føresegn for flaumsone i planframlegget. Planskildring og VA-plan:

• Det skal leggjast inn meir informasjon om VA, jamfør innspel frå Statsforvaltar.

• Det skal leggjast inn meir om skredkartlegginga, jamfør innspel frå NVE.

• Hallingdal Hytteservice AS skal førast opp som grunneigar i planskildringa. Administrasjonen får delegert mynde til å gjere endringane slik som beskriven ovanfor før planvedtak blir kunngjort.

Kommunestyret har behandla sak 24/2025 i møte den 20.05.2025

Saksordførar: Karianne Østro. Samrøystes vedteke.