Delegeringsreglement - revidering 2024

Gol kommunestyre gjer slike endringar i delegeringsreglementet:

- Forureiningslova §§ 7, 11, 18, 23, 48 og 73. Delegerast til Kommunalt avløpstilsyn og vassforvaltning (KAV Hallingdal).

- Kapittel 12, 13 og 15 i forureiningsforskrifta. Delegerast til Kommunalt avløpstilsyn og vassforvaltning (KAV Hallingdal).

- Lov om kommunale vass- og avløpsanlegg med unntak av §2 om kommunal overtaking av private avløpsanlegg. Delegerast til Kommunalt avløpstilsyn og vassforvaltning (KAV Hallingdal)

- Plan og bygningslova §§ 20-1, 20-2, 21-2, 21-7, 21–4 og 27–2. Delegerast til Kommunalt avløpstilsyn og vassforvaltning (KAV Hallingdal)

- Plan- og bygningslova §27-3, § 32-3, § 32-4, § 32–5 og § 32–8 knytt til pålegg om tilknyting, pålegg om retting og stans, tvangsmulkt og tilhøyrande gebyr. Delegerast til Kommunalt avløpstilsyn og vassforvaltning (KAV Hallingdal). Same §§ skal òg delegerast til administrasjonen slik det er i gjeldande reglement.

- Plan og bygningslova §12-8 Oppstart av reguleringsplanarbeid blir delegert til administrasjonen, men i løpet av vinteren 2025 utarbeidast det retningsliner for handsaming av planinitiativ.

- Plan og bygningslova kapittel 19 Dispensasjon: Delegering av kapittel 19 i plan- og bygningslova blir vidareført, men i løpet av vinteren 2025 utarbeidast nye retningsliner for kva som er å rekne som «mindre og kurante» dispensasjonssaker.

- Konsesjonslova §9. Blir delegert til administrasjonen men i løpet av vinteren 2025 utarbeidast det retningsliner for handsaming av konsesjonslova paragraf 9.

- Helse og omsorgslova §7-2a. Barnekoordinator. Blir delegert til administrasjonen.

- Alkohollova §1-7C. Oppnemning av styrar med vikar. Blir delegert til administrasjonen.

- Alkohollova §1-9. Kontroll med utøving av skjenkebevilling. Blir delegert til administrasjonen.

- Alkohollova §1-10. Fortsette på tidlegare eigar seie bevilling i 3 månader etter overdraging. Blir delegert til administrasjonen.

- Alkohollova §1-14. Pålegg om å gi informasjon til statistiske formål. Blir delegert til administrasjonen.

- Alkohollova §6-4. Innhenting av opplysningar. Blir delegert til administrasjonen.

- Alkoholforskrifta §5-2. Ansvar for kunnskapsprøvar. Blir delegert til administrasjonen.

- Alkoholforskrifta §5-5. Utferdige bevis på bestått kunnskapsprøve. Blir delegert til administrasjonen.

- Alkoholforskrifta §6-1. Fastsetting av bevillingsgebyr på grunnlag av forventa bruk. Blir delegert til administrasjonen.

- Alkoholforskrifta §6-2. Mynde til å sette ned lovbestemde satsar i særlege tilfelle. Blir delegert til administrasjonen

- Alkoholforskrifta §6-3. Fastsette fristar for innlevering av omsetningsoppgåve. Blir delegert til administrasjonen.

- Alkoholforskrifta §9-1. Ansvar for kontroll av bevilling. Blir delegert til administrasjonen. Administrasjonen blir beden om å innarbeide vedtekne endringar, og publisere nytt reglement. Administrasjonen blir gitt mynde til å gjennomføre organisatoriske og redaksjonelle endringar i reglementet, som ikkje inneber realitetsendring i delegering av mynde.

Kommunestyret har behandla sak 82/2024 i møte den 10.12.2024

Saksordførar: Jan Kattenberg.

Asle Berg Bråtalien (SP) hadde ordet og foreslo:

For konsesjonslovens paragraf 9 legges til: ..., men i løpet av vinteren 2025 utarbeidast det retningsliner for handsaming av konsesjonslova paragraf 9.

Votering: Framlegget frå SP vart samrøystes vedteke. Innstillinga frå Formannskapet inkludert tillegg frå SP vart samrøystes vedteke.